Noiz sortua: 2014-07-04 00:30:00

ATZEKOZ AURRERA. Sara Abd Alrazaq. Palestinako Al Bustan elkarteko kidea

«Athletic gustuko dute gaztetxoek»

Palestinako Al Bustan elkarteko haurrek Donosti Cup txapelketan parte hartuko dute. Duten gatazkari aurre egiteko, futbola erabiltzen dute elkartean; hango kide da Abd Alrazaq.
BERRIA

Nagore Rodriguez -

2014ko uztailak 4

Gaur gauean abiatuko dira, Jerusalemen ondoko Silwan bailaratik (Palestina), Hai al Bustan taldeko jokalariak. 12 eta 14 urte bitarteko hamabost futbolari eta hiru arduradun joango dira Donostiara —tartean Abd Alrazaq bera—, Donosti Cup futbol txapelketan parte hartzeko. Haurrek txapelketan aritzeko daukaten «ilusioa» azpimarratu du Abd Alrazaqek.

Gaur abiatuko zarete Palestinatik Donostiara bidean. Urduri al daude gaztetxoak?

Euren herrialdetik aterako diren lehen aldia da, eta zoratzen daude, ostirala noiz iritsiko zain, hegazkina hartu behar dutelako eta bidaia handi hori egingo dutelako.

Zein helbururekin zatozte Donostiara? Gazteek txapelketa irabazi nahiko dute, ezta?

Bidaia eta Donosti Cup aukera handia da haurrek beste ingurune bat ezagutzeko eta beste haur batzuekin harremanetan jartzeko. Parte hartzea bakarrik asko da haientzat, baina irabazi ere egin nahi dute, noski.

Israelen mehatxupean bizi zarete. Nolakoa da haurren eguneroko bizimodua?

Egoera latza da hemen; gaur bertan [atzo] bonbak jaurti dituzte hemen inguruan, eta kezkarekin bizi gara. Ostiral [gaur] gauean abiatu behar dugu, eta espero dut arazorik gabe aterako garela, autobusa lotua baitugu aireportura joateko.

Zer adierazten du futbolak haien bizitzan?

Ihesbide bat da haientzat futbola; eskolatik kanpo egiten dute, astean hirutan. Gure elkartean arazoak dituzten haurrei laguntzen diegu, eta, futbolaz gain, bestelako ekintzak ere eskaintzen dizkiegu; Palestinako dantzak, esaterako.

Messi, Cristiano Ronaldo... Zein futbolari dute gustukoen?

Futbola asko ikusten dute telebistaz, eta, batez ere, Bartzelona eta Madril taldeak dituzte gogokoen. Baina Athletic ere oso gustuko dute.

Neskatoek ere jokatzen al dute futbolean?

Ez, ez. Zaila da hemen haiek futbolean aritzea. Bestelako ekintzak egiten dituzte; normalean Palestinako dantzak ikasten dituzte.

Futbolean jokatzeagatik arazoak izan dituzte zuen haurrek Poliziarekin, ezta?

Bai, gure haurretako batek behin arazo bat izan zuen Poliziarekin, baloiak alde egin eta Poliziaren eskura iritsi zelako. Atxilotu egin zuten. Hemen normala da Poliziarekin arazoak izatea. Horregatik saiatzen gara haurrak urrun eramaten futbolean aritzeko.

Noizko Palestinako selekzioa Munduko Kopan?

Futbol selekzio bat badugu, bai, eta nahiko ongi aritzen da. Ea noizbait Munduko Kopara iristen den, eta baita gure haurrak ere!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Nagore Rodriguez

Informazio osagarria