Albistea entzun

Hilketaren hamalaugarren urteurrenean, Nagore Laffage omendu dute

Astelehen Lilak elkarteak deitutako elkarretaratzean ehun lagun inguru batu dira. Bortxa matxistaren biktimentzako zentro integral bat eskatu dute
Nagore Laffage gogoratzeko elkarretaratzea, atzo, Iruñean.
Nagore Laffage gogoratzeko elkarretaratzea, atzo, Iruñean. J.M. / FOKU Tamaina handiagoan ikusi

Irati Urdalleta Lete -

2022ko uztailak 5

Hilaren 7an hamalau urte beteko dira Jose Diego Yllanesek Nagore Laffage bortxatu eta hil zuenetik. Haren omenez, ehun herritar inguru batu ziren atzo Iruñeko Vinculo plazan, Astelehen Lilak taldeak deitutako elkarretaratzean.

Laffagerentzat justizia eta erreparazioa galdegin dituzte bertan, eta ohar bidez nabarmendu dute iruindar gehienentzat hilketa izan zela Laffagerena. Halaber, indarkeria matxista oro gaitzetsi dute: «Emakumeen eta arautik ateratzen diren guztien aurkako indarkeria hau gizarte gisa suntsitzen gaituen gaixotasun krudel eta tragiko baten isla da: gizarte heteropatriarkal, arrazista eta kapitalistarena, ez diena pertsonei aske hazten uzten». Horren aurrean, argi dute zein den konponbidea: berdintasuna eta feminismoa.

Eskaera zehatzak ere badituzte: indarkeria matxista jasan duten emakumeak artatzeko 24 orduan martxan egongo den zentro integral bat sor dezatela Nafarroarako, eta horri Nagore Laffage izena jar diezaiotela: «Gure helburu nagusia da, sistema heteropatriarkala amaitzearekin batera, emakume bakar bat ere bakarrik ez sentitzea. Behar duten guztian artatu behar dira, eta haien intimitaterako eskubidea eta erabakiak errespetatu».

Eta bihar hasiko diren sanfermin festetara begira ere jarri da Astelehen Lilak: «Sanfermin hauetan dena emanda disfrutatu, bakoitzak gustuko duen eran, baina beti harreman libreetan eta eraso sexistarik, homofoborik eta arrazistarik gabekoetan oinarrituta».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Indarkeria matxistaren kontrako informazioa, Baionako bestetan. ©P. BELTZAIZ

Talde bortxaketa egotzita, behin-behinean kartzelara

Oihana Teyseyre Koskarat

Baionako bestetan izandako bortxaketaren harira, bi gizon preso sartu dituzte auzia egin arte. Bi gizon zigortu dituzte sexu delituak leporatuta

Atzemandako kalamua. ©Ertzaintza.

700 kilo marihuana atzeman ditu Ertzaintzak Abantoko errepide batean botata

Berria

Kutxatan eta poltsatan gordeta zegoen kalamua, urbanizazio baten inguruko pista batean, bide ertzean botata. Merkatuan bi milioi euroko balioa lukeela zehaztu du Ertzaintzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...