Albistea entzun

LABek protesta egingo du, «euskal eskola publiko eta komunitarioa» eskatzeko

Urriaren 6an egingo dute mobilizazioa, Gasteizen. «Gabezia handiak» ikusi dizkiote Hezkuntza Legearen aurreproiektuari lan baldintzetan arloan
Tobar eta Aranburu prentsaurrekoa ematen, atzo, Bilbon.
Tobar eta Aranburu prentsaurrekoa ematen, atzo, Bilbon. LAB Tamaina handiagoan ikusi

Irati Urdalleta Lete -

2022ko irailak 24

LAB sindikatuak gabeziak ikusten dizkio Eusko Jaurlaritzaren Hezkuntza Legearen aurreproiektuaren zirriborroari. Horien berri eman eta proposamenak egiteko, prentsaurrekoa egin zuten atzo Garbiñe Aranburu koordinatzaile orokorrak eta Irati Tobar hezkuntza arduradunak, Bilbon. Uste dute eragiten jarraitu beharra dagoela, «euskal eskola publiko eta komunitarioa» helburu hartuta, Hezkuntza Legea trantsiziorako legea izan dadin. Hori horrela, mobilizazio bat antolatu dute urriaren 6rako, Gasteizen, 12:00etan hasita.

Xede hori buruan, ekarpenak egin dituzte. Esaterako, sistema propio bat erdiesteko «gabeziak» aipatu dituzte, eta esan dute legez jasota egon beharko litzatekeela euskal curriculuma garatzea eta sistema osoan ezartzea, baita langile propioak edukitzeko eskubidea ere.

Eta langileen eskubideei dagokienez, «gabezia handiak» sumatu dituzte. Horrenbestez, eskatu dute jasotzeko sare publikoan ezingo direla egon gaur egun baino langile gutxiago, eta itunpeko langileen lan baldintzak sare publikoko langileenekin «homologatzea» nahi dute.

Langileen eskubideez haragoko proposamenak ere badituzte: sare publikoa «ardatza» izatea eta Euskal Hezkuntza Zerbitzuko ikastetxeen betebeharrak gehiago zehaztea, kasurako. Hiru arlotan zehaztasun falta ikusi dute: euskalduntzean, laikotasunean eta inklusioan. Lehenengoari dagokionez, euskararen murgiltze eta mantentze sisteman oinarrituriko ikaseredu bakarra ezarri behar dela diote, hizkuntza ereduak gaindituta. Halaber, uste dute legez jaso behar litzatekeela baldintzak betetzen ez dituzten eskolei ituna kenduko dietela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elgea-Urkillako parke eolikoa, Araba eta Gipuzkoaren arteko mugan. ©JUAN CARLOS RUIZ / ARGAZKI PRESS..
Euskaraldiaren hirugarren aldiaren aurkezpena, iazko azaroan, Iruñean. ©IDOIA ZABALETA / FOKU

Gaur zabalduko dute Euskaraldirako izen ematea, begia lorpenetan jarrita

Julen Aperribai

Erronka zehatzetan eta praktika linguistikoetan indar berezia egingo du aurten ariketa sozialak. Sozializaziorako gogoa egitasmoaren alde baliatu nahi dute

Elkarretaratzea egin zuten atzo Elgoibarren. ©JON URBE / FOKU

Irmo gaitzetsi dute kalean azken hilketa matxista

Julen Otaegi Leonet

Soraluzeko Udalak (Gipuzkoa) kontzentraziora deitu du gaur 19:00etarako. Udalak herritar guztiei eskatu die elkarretaratzera bertaratzeko

Ikasleak Gasteizko Angel Ganivet eskolan, artxiboko irudian. ©JUANAN RUIZ / FOKU

Zortzi urtez zuzendari izanda, urtebetez ez dute eskolarik eman beharko

Irati Urdalleta Lete

Eusko Jaurlaritza ontzen ari den dekretuak eskola publikoetan izango du eragina. Bi agintaldiren ostean kargua utzitakoek lehentasuna izango dute beste ikastetxe bat aukeratzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...