Eusko Jaurlaritzak abisu horia ezarri du gaurko elurragatik

Nafarroa erdialdean eta Erriberan abisu laranja ezarri dute, eta Nafarroako isurialde atlantikoan, horia. Baliteke itsas mailan ere botatzea
Elurra kentzeko makina bat, joan den astean, Nafarroan.
Elurra kentzeko makina bat, joan den astean, Nafarroan. JAGOBA MANTEROLA / FOKU Tamaina handiagoan ikusi

Irati Urdalleta Lete -

2021eko urtarrilak 9

Egindako iragarpenen arabera, elurra botako du gaur eta bihar Euskal Herriko hainbat txokotan. Batez ere hegoaldean izango du eragina elurteak, baina kostan elurra ikusteko aukera ere egon daiteke.

Hori ikusita, hainbat ohartarazpen egin dituzte Eusko Jaurlaritzak eta Nafarroako Gobernuak. Eusko Jaurlaritzako Segurtasun Sailak abisu horia ezarri du gaurko, 06:00etatik 00:00etara. Nafarroako Gobernuak, berriz, Babes Zibileko Planaren larrialdiko lehen maila eta Neguko Bide Planeko bigarren fasea ezarri ditu. Gainera, abisu laranja egongo da indarrean Erriberan eta Nafarroa erdialdean, eta ez dute baztertu Erriberan abisu gorria ezartzea ere. Lurraldearen isurialde atlantikoan, berriz, abisu horia dute.

Nafarroako Gobernuak nabarmendu duenez, lurraldearen hegoaldean egingo du elur gehien: hamahiru zentimetro ere pila daitezke. Erdialdean, berriz, baliteke zazpi zentimetrora iristea, eta isurialde atlantikoan, laura. Iragarpenen arabera, itsas mailan ere elurra egingo du. Eusko Jaurlaritzako Segurtasun Sailak Euskalmeten datuei egin die erreferentzia. Azaldu dutenez, elurteak «ia lurralde osoan» izan dezake eragina, baina gehien mendi inguruan eta hegoaldean egingo du: Arabako Errioxan, esaterako, baliteke hamabost zentimetro pilatzea.

Baliabideak, prest

Elurteari aurre egiteko prest dituzten baliabideen berri ere eman dute. Nafarroan, esaterako, elurra kentzeko dauzkaten makina guztiak mobilizatzea espero dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Positiboen kopuruak mila kasuren langa gainditu du Hegoaldean

Erredakzioa

Eusko Jaurlaritzak eta Nafarroako Gobernuak 1.030 positibo atzeman zituzten. Araban eta Bizkaian egin dute gora kutsatuen zifrek
Baionako karrikak hutsik, atzo, etxeratze agindua dela eta. ©GUILLAUME FAUVEAU

«Lanean ari bazara, argiki izorratua zara»

Joana Ibargarai Leritza

Jean Castex Frantziako lehen ministroak ostegunean iragarri bezala, Ipar Euskal Herrian etxeratze agindua 18:00etatik 06:00ak artekoa da orain, eta atzo izan zen neurria aplikatu beharreko lehen eguna.

Urkulluk dio «onartezina» dela txerto gutxiago jaso izana

Berria

Indurainek esan du Nafarroak «erreserba estrategikoa» duela datorren astean txertaketarekin segitu ahal izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna