Noiz sortua: 2019-08-27 00:30:00

Kontuak negoziatzeko prest dago EH Bildu, «jendea» lehenetsita

Otegik dio EAJ «eroso» dagoela PSErekin, arlo nazionalean ez duelako «urratsik» egin nahi. Polemika «artifizialtzat» jo du presoen harrerena
Otegi, G7koen aurka Ficoban eginiko kontragailurrean, ostiralean.
Otegi, G7koen aurka Ficoban eginiko kontragailurrean, ostiralean. F. SCHEIBER / EFE Tamaina handiagoan ikusi

Jon O. Urain -

2019ko abuztuak 27

Datorren urterako aurrekontuen negoziazioa izango da urte politikoaren eztabaidagune nagusietako bat Araban, Bizkaian eta Gipuzkoan. Jaurlaritzak luzatu egin zituen iazkoak, EH Bilduk, Elkarrekin Podemosek eta PPk Jaurlaritzaren proiektua atzera botata. 2020ko kontuen negoziazioei begira, Arnaldo Otegi EH Bilduko koordinatzaileak hitzeman du EH Bildurentzat «jendeak» izango duela «lehentasuna»: «Pentsiodunek, alargunek, gazteek, emakumeek, politika industrial alternatibo batek, soldata duinek eta abarrek». EH Bildu «jarrera guztiarekin» joango da akordio baten bila, akordioak egitea «ona» dela iritzita. Arlo horretan, ELArekin kritiko agertu da Otegi: «Sindikatuek negoziazio kolektiboak egiten dituzte, eta ez dute dena lortzen. Aurrekontuak gauza bera dira. Zergatik ezin da hitz egin?».

Euskadi Irratian eginiko elkarrizketa batean mintzatu da Otegi, eta «funtsezko» gaitzat jo du aurrekontuena. Aitortu du indar subiranistak ez daukala nahiko lukeen «indar harremana» nahiko lituzkeen aurrekontuak egiteko, baina erantsi du beren betebeharra dela «jendearen bizi baldintza materialak hobetzea». Halere, EAJ «eroso» antzematen du PSErekin duen aliantzan: «Ez dauka intentziorik urrats kualitatiborik egiteko termino nazionaletan, eta ez du gurekin akordiorik egin nahi, badakielako gurekin egiten diren akordioak ez direla PSErekin egiten direnak bezalakoak; badaki fundamentuzko edukiak behar direla».

Harrerak, «eraso lerro»

Azken asteetan euskal presoei espetxetik irtetean eginiko harreren inguruan sortu den ika-mikaz, berriz, nabarmendu du eztabaida «artifiziala» sortu dela eta «ezker independentistaren aurkako eraso lerro bat» eratzea dela horren atzean dagoen asmoa: «Horretaz hitz egiten da beste arazo batzuez ez hitz egiteko». Izan ere, Otegiren arabera, «eskandalua» da ETAk jarduera armatua behin betiko eten eta zortzi urtera indarrean egotea presoen sakabanaketa politika.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Jendea Miamiko hondartza ondoan paseatzen, birusaren hedatzearengatik neurriak gogortu behar izan dituen AEBetako Florida estatuan. ©CRISTOBAL HERRERA / EFE

Urrundu da, baina ez desagertu

Gorka Berasategi Otamendi

AEBek eguneko kutsatzeen marka hautsi zuten ostegunean: 55.000 kasu baino gehiago. Afrikako Batasunaren esanetan, kontinenteak 48.800 milioi euro jasotzeari utzi dio COVID-19ak turismoan eragin duen krisia dela eta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna