Noiz sortua: 2019-07-19 00:30:00

Aurrez aurre direla bi ildoak

EAren ezohiko batzar nazionala izango da gaur, primarioen faseari nola heldu erabakitzeko. Ildo kritikoak datu basea izan nahi du lehendabizi
Pello Urizar —eskuinean—, atzo, Bakion, Martin Garitano eta Rebeka Uberarekin, Alkartasunaren hitzaldi batean.
Pello Urizar —eskuinean—, atzo, Bakion, Martin Garitano eta Rebeka Uberarekin, Alkartasunaren hitzaldi batean. BERRIA Tamaina handiagoan ikusi

Enekoitz Esnaola -

2019ko uztailak 19

EAko bi ildoak aurrez aurre direla egingo dute alderdiaren ezohiko batzar nazionala gaur, Gasteizen (19:00); zuzendaritzaren arabera, idazkari nagusia hautatzeko primarioekin nola jarraitu erabakitzeko. Ildo kritikoak, ordea, alderdiko afiliatuen datu baserako sarbidea izan nahi du primarioen fasea hasi aurretik —datu guztiak eduki nahi ditu eskuragai—, baita kuota ordaintzetik salbuetsita dauden afiliatuen zerrenda gainbegiratzea ere; bestela, ez du ontzat joko primarioen faseari ekitea. Bi ildoen arteko auzia duela urte batzuetatik dator, baina jendaurrean aste honetan lehertu da, kritikoek prentsaurreko bat emanda.

Batzarrean ordezkariek dute parte hartzeko aukera, ez afiliatu guztiek —aldiz, primarioetan bai—. EAren azkeneko kongresuan hautatu zituzten ordezkariak, duela bi urte. Denera, 75: ildo ofizialeko kideak 60, eta kritikokoak 15. Beste ordezkariak udalerrietako EAk hautatzen ditu —bi ildoek ez dute eman zifrarik—. Ekainaren 13an batzar nazionala egin zuten, eta Pello Urizarren ordez jarduneko idazkari nagusia aukeratzeko bozketan ia ehun boto izan ziren. Joseba Gezuragarena izan zen hautagaitza bakarra, eta ez zegoen ezezkoa emateko aukerarik: baiezkoak boto zuriak baino hamabost bat gehiago izan ziren orduan.

Datuetarako sarbideari buruzko bi txosten daude EAn: zuzendaritzarena eta kritikoena. Aholkularitza juridikoko enpresari banatan enkargatu zituzten, eta BERRIAk biak eskuratu ditu. Ildo kritikoaren txostenak —iazko urriaren 4ko data du— garbi dio EAko zuzendaritzakide guztiek dutela eskubidea datu basera sartzeko. Zuzendaritzarenak —joan den uztailaren 15eko data du— ez du zehazki halakorik esaten; dioena da badagoela datu basearen arduradun bat —EAn, Antolakuntza idazkaria: Mariano Alava—, eta «datuetara sartzen diren pertsona guztien» esaldia ere badakar.

Zuzendaritzaren txostenak dio afiliatuen fitxategiaren arduradunak «neurri tekniko eta organizatiboak» ezarriko dituela «erabilera datuen babeserako araudiarekin bat datorrela bermatzeko»; hau da, idatzi ofizialak nabarmendu duenez, afiliatuen datuak alderdiaren barne «kudeaketa» lanetarako baino ez dira erabili behar, «ez helburu desberdin baterako, afiliatu bakoitzaren berariazko baimena ez badago salbu; eta horrelakorik ez dago». Lehenago, Txosten hau egiteko arrazoia izenburupean, ohartarazten du afiliatuen datuak gestioaz besteko zerbaitetarako erabiltzeko «asmoa antzeman» dela.

EAko ildo kritikotik Miren Aranoa Nafarroako koordinatzaileak, Iratxe Lopez de Aberasturi Arabakoak eta Mikel Goenaga Gipuzkoakoak eskatu zuten txosten juridikoa —zuzendaritzan sei dira ildo ofizialekoak, eta hiru haiek kritikokoak—. Idatziak dio datuen erabilera ez duela Antolakuntza idazkariak soilik izan behar, eta zuzendaritzakide denek dutela sarbiderako eskubidea, baita afiliazioaren kontrolerako eta jarraipenerakoa ere. Alderdiko Berme Batzordeak arrazoi eman zien martxoaren 11ko ebazpenean. Iker Ruiz de Egino EAko eledunak atzo kazeta honetan azaldu zuen «bideratua» dutela datuak emateko prozedura.

Urizarren lehen agerraldia

Pello Urizarrek atzo egin zuen aurreneko agerraldi publikoa EAko idazkari nagusi gisa duela lau aste dimisioa eman eta EAEko legebiltzarkide postua utzi zuenetik: Bakion (Bizkaia) izan zen, EAren Alkartasuna fundazioak antolatutako hitzaldi batean, abertzaleen arteko elkarlanari buruz aritzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hegoaldea, hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Baionako ostatuetako terrazak, artxiboko argazki batean. ©/ ISABELLE MIQUELESTORENA

Ipar Euskal Herrian bigarren fasean sartu dira gaur

Berria

Besteak beste, ostatuak eta jatetxeak ireki ahal izango dituzte; baita kiroldegiak, jostalekuak, parkeak eta antzerki gelak ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna