Albistea entzun

Estrasburgok ez du aintzat hartu Altsasuko auziko gazteek egindako salaketa

Auziak Europan izan zezakeen bide judiziala amaitu egin da. Gizarteak emandako babesa nabarmendu du Altsasu Gurasoak plataformak
Altsasuko gazteen alde egindako mobilizazio bat, 2019ko urrian.
Altsasuko gazteen alde egindako mobilizazio bat, 2019ko urrian. IÑIGO URIZ / FOKU Tamaina handiagoan ikusi

Gotzon Hermosilla -

2022ko urtarrilak 20

Giza Eskubideen Europako Auzitegiak ez du aintzat hartu Altsasuko auzia dela-eta zigortutako gazteen salaketa. Hala jakinarazi du gazteetako batek, Iñaki Abadek, sare sozialetan zabalduriko mezu batean. Gazteen abokatuek eskaera aurkeztua zuten, epaiketa inpartziala izateko eskubidea urratu zietelakoan eta ezarritako zigorra neurriz kanpokoa izan zela iritzita, baina Estrasburgoko auzitegiak ez du onartu eskaera.

«Erakunde judizial guztien babes faltaren aurrean, [auzia] ondo baino hobeto ulertzen duen gizartea geratzen da. Estrasburgon galdu arren, beti jarraituko dugu salatzen», idatzi du Iñaki Abadek bere mezuan. Horrenbestez, auziak Europan izan zezakeen ibilbide judiziala amaitu egin dela erantsi du Abadek.

Altsasu Gurasoak plataformak ere sare sozialen bidez eman du albistea eta horren inguruko balorazioa: «Eskaera onartu ez izanak ez dio baliorik kentzen salaketari eta egindako bideari. Badakigu arrazoi duguna, eta gizartearen babesak hala frogatu zuen».

Plataformaren iritziz, «justizia» ez da epai baten bidez iritsi, «baizik eta mobilizatutako gizarte baten babes eskergarekin, denon eskubideak errespetatuko dituen etorkizun bidezkoago baten alde konprometiturik». Plataformakoek gaineratu dute «injustiziaren aurrean» paratuko direla beti, «jasotakoaren zati bat bueltatzeko asmoz».

Gizartearen irakurketa

Altsasuko gazteen abokatuetako batek, Amaia Izkok, Euskadi Irratiari adierazi dio «penaz» hartu dutela albistea, bazutelako itxaropena Estrasburgoko auzitegiak eskaera aztertu egingo zuela: «Ez da horrela izango, baina horrek ez die balioa kentzen gizarteak irregulartasun eta eskubide urraketa horiez egiten duen irakurketari, hausnarketari eta atera dituen ondorioei. Horrekin gelditu nahi dugu».

Antzeko zerbait esan du Altsasu Gurasoak plataformako Antton Ramirez de Aldak irrati berean. Azaldu duenez, salaketa onartu ez izanak ez dio baliorik kentzen orain arte egindako bideari: «Oso injustua izan zen dena, eta hori argi geratu da. Horrekin geratu gara, eta gizarteak ere berdin pentsatzen duela uste dugu».

2019ko urrian, Espainiako Auzitegi Gorenak urtebete eta bederatzi urte eta erdi bitarteko espetxe zigorrak ezarri zizkien zortzi gazteei, 2016an Altsasuko jaietan guardia zibil batzuekin izandako istilua zela-eta. Haietako zenbait hirugarren graduan ari dira zigorra betetzen. Espainian bide judiziala amaituta, Europara jotzea erabaki zuten abokatuek, baina orduan ere adierazi zuten bide hori zaila izango zela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Izaskun Lesaka eta Joseba Iturbide atxilotu zituzteneko irudi bat, Maconen (Frantzia). Argazkian, kazteriak, poliziak ahaztutako poltsak arakatzen. ©Javier Villagarcia / EFE

Astelehenean libre geratuko da Izaskun Lesaka presoa, baldintzapean

Edu Lartzanguren

Frantziako Fiskaltzak helegitea jarri zion martxoan presoa askatzeko erabakiari, baina auzitegiak kontuan hartu du ETAk bere burua desegin zuela.

 ©RAUL BOGAJO / FOKU

«Udalek interes goreneko proiektuetan parte hartu behar dute»

Edurne Begiristain

Eusko Jaurlaritzaren Ingurumen Administrazioaren Legeari Eudelek egindako kritikak apaldu ditu Eudeleko presidenteak: «Ez gaude kontra». Udalen autonomia jarri du lehentasun gisa.
Sare mugimendu herritarreko kideak, gaur goizean, Orozkon egindako agerraldian. ©ARITZ LOIOLA / FOKU

Alaitz Aramendi presoari «ezkutuko bizi osorako zigorra» jarri diotela salatu du Sarek

Olatz Enzunza Mallona

Bizi osorako zigorrik ez! Alaitz etxera lelopean, 7/2003 eta 7/2014 legeen aplikazioen ondorioz sortutako egoera salatuko du Sarek kanpaina batean.

Euskal presoen gradu inboluzioen aurka egindako protesta bat, joan den otsailean, Getxon. ©Monika del Valle / FOKU

Hirugarren graduan jarri dute Iñaki Bilbao Gaubeka euskal presoa

Maddi Ane Txoperena Iribarren

Basauriko kartzelan dago gaur egun. Tratamendu batzordeak proposatu eta Eusko Jaurlaritzak onartu du gradu aldaketa. 1998tik dago preso, eta 25 urteko espetxe zigorra ezarri zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.