Albistea entzun

CADEk pausotzat hartu du Bordele eta Hendaia artean AHT linearik ez lehenestea

Frantziako estatu idazkariak adierazi du egungo bidea «modernizatzea» duela lehentasun. CADEk ohartarazi du AHT bide berria egitea ez dela erabat baztertua, eta erne egon behar dela. Bilera eskatu dio idazkariari
CADE elkartekoek eman prentsaurrekoa, atzo.
CADE elkartekoek eman prentsaurrekoa, atzo. ISABELLE MIQUELESTORENA Tamaina handiagoan ikusi

Nora Arbelbide Lete -

2019ko urtarrilak 24

Abiadura handiko trena «zailtasunetan» dela uste du CADE ingurumen elkarteak. Frantziako Gobernuak Asanblea Nazionalean adierazi du gaur egungo trenbidea «modernizatzea» duela xedea, eta 490 milioi euroko inbertsioa eginen duela horretarako. Ez du AHT linea berria egiterik aipatu, hortaz, baina baztertu ere ez. CADEk pozik hartu ditu hitz horiek, baina ohartarazi du ez dela amaiera. «Proiektua erabat bertan behera uzteko gelditzen den azken urratsari oztopoak jartzen ari dira: kosta ahala kosta egin nahi dute Bordele-Tolosa [Okzitania] arteko bidea», azaldu du CADE elkarteko ordezkari Victor Pachonek. Haren erranetan, bertze hamar bat urtez «erne» jarraitu beharko dute gaiarekin.

Horren argitzeko, Emmanuelle Wargon Trantsizio Ekologikorako Ministerioko estatu idazkariari bilkura eskatu diote. Florence Lasserre diputatuak (Modem) sostengatu du bilkura eskaera. Mementoko, ez du erantzunik elkarteak. Baina, bitartean, AHTaren gaiaz puntu baten egiteko asmoz, ostiraleko elkarretaratzean parte hartzera deitu dituzte herritarrak; Uztaritzeko Lapurdi gelan finkatua dute, 20:00etan.

Abendu erdialdera Emmanuelle Wargonek egin adierazpenak dira CADEk duen informazio nagusia. Frantziako Asanblea Nazionalean David Habib diputatu sozialista bearnotarrak zuzenki egin zion galdera, AHTaren bide berriaren proiektua zertan zen jakiteko. Hitzartzean ez zuen zehazki erran trenbide berri baten proiektua baztertu dutenik, baina argiki adierazi zuen Bordele eta Hendaia (Lapurdi) arteko bidea «modernizatzeko» xedea dutela. SNCF sarearen 490 milioi euroko inbertsioa ere aipatu zuen idazkariak, Baiona eta Hendaiaren arteko abiadura hobetzeko, baita Paue eta Hendaiaren arteko bidaia laburtzeko ere.

Baionako geltokia berritzeko eta bertako trenbideak egokitzeko Frantziako Estatuak Akitania Berria eskualdearekin izenpetu itunaren bidez 45 milioi euro jartzeko asmoa dutela ere gogoratu zuen idazkariak. Eta, horrez gain, 75 milioi euro bideratuko dituztela Hendaia eta Irun (Gipuzkoa) arteko trenbideak egokitzera.

Bertan behera ezin utziz

Hala, Victor Pachonek berretsi du Bordele eta Tolosa (Okzitania) arteko bide berriaren proiektuagatik direla AHTaren egitasmoa proiektua ezin utziz. Hiru inkesta publiko egin dituzte orain arte. Bat, Bordeleko ateratzearena; aldeko iritzia ukan du, eta onura publikoaren izendapena jaso. Bi, Tolosako sarbidearen azterketa; kontrako iritzia ukan du, baina onura publikoaren ezagutza eman diote, halere. Hirugarren inkesta da zabalena: barne daude, aldi berean, Bordele-Akize arteko bide berria eta Bordele-Tolosa artekoa. Kontrako iritzia ukan du, baina horri ere onura publikoaren ezagutza eman diote. Eta Akizetik Lapurdiren eta Gipuzkoaren arteko mugara doan bidearentzat ez dute inkesta publikorik egin ere.

Proiektua abandonatzen badute, Bordele-Akize eta Bordele-Tolosa dituzte aldi berean bertan behera utzi behar. CADEren iritziz, Bordele-Tolosa zatirako beste proiektu bat eginen dute, eta beste inkesta bat. Eta orduan lukete Bordele-Akize abandonatuko. Horregatik du luze joko kontuak, Pachonen iritziz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ursula von der Leyen Europako Batzordeko lehendakariaren artxiboko irudi bat. ©OLIVIER HOSLET / EFE

Txertoen patenteak kentzearen gainean eztabaidatzea onartu du Europak

Maria Ortega Zubiate

Herrialde ekoizleei dei egingo diete «esportazioa baimendu eta hornikuntza kateak oztopatzen dituzten neurriak deuseztatzeko». Europako Batasuna da «munduko txerto esportatzaile nagusia». AEBek babestu egin dute txertoei patentea kentzea.

Iñigo Urkullu Eusko Jaurlaritzako lehendakaria, gaur, Eusko Legebiltzarrean. ©David Aguilar / Efe

Jaurlaritzak ez dio helegiterik jarriko EAEko Auzitegi Nagusiaren erabakiari

Berria

Urkulluk esan du soilik auzitegiak onartutako neurri murriztaileak sartuko dituztela alarma egoeraren ondorenerako aterako duten dekretuan. «Bermeak» nahi ditu, eta errekurtsoa jartzeak «ziurgabetasun aldi bat» sortuko lukeela uste du.

PCRak egiteko eremua, Nafarroako Ospitale Gunean. ©IÑIGO URIZ / FOKU

Apaltzerik ez, hirugarren egunez: 809 positibo Hegoaldean

Ion Orzaiz

13.965 PCR eta antigeno test egin dituzte Osakidetzak eta Osasunbideak, eta positibo tasa apur bat igo da, %5,8raino

Miren Dobaran Eusko Jaurlaritzako Hizkuntza Politikako sailburuordea, atzo, Udaltop jardunaldietan. ©GORKA RUBIO / FOKU

Eragile sozioekonomikoekin euskara aktibatzera deitu dute

Jone Bastida Alzuru

Abian da Udaltop, udaletako euskara zerbitzuen topaketa; gaur izango da azken eguna. Eremu sozioekonomikoan euskararen erabilera indartzeko bideak jorratu dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.