Noiz sortua: 2018-12-07 00:30:00

Durangoko 53. Azoka. Sormen beka

ATOPIArpg euskarazko rol jokoaren egitasmoak jaso du lehen Sormen beka

Sormena sustatu asmo duen beka eman du aurreneko aldiz Gerediaga elkarteak. Etzi Portu Maritimoa taldearen proiektuak irabazi du 15.000 euroko saria. Urtebete izango dute gauzatzeko
Sormen bekaren irabazleak, atzo, Durangoko ekitaldian.
Sormen bekaren irabazleak, atzo, Durangoko ekitaldian. ENDIKA PORTILLO / FOKU Tamaina handiagoan ikusi

Aitor Biain -

2018ko abenduak 7

Euskal kulturari egindako ekarpena saritu du Gerediaga elkarteak Argizaiola sarien bitartez azken 25 urteetan. Iraganera ez, etorkizunera begira jarri nahi du elkarteak aurrerantzean, eta sormena sustatuko du horretarako. Bada, sortzaile berriei bidea errazteko asmoz, euskarazko kultur produktu bat hasieratik amaierara garatzen lagunduko du elkarteak. Bide horretan aurrena ATOPIArpg euskarazko lehen rol jokoa izango da.

Lehen aldiz eman dute Sormen beka Durangoko Azokan, eta atzo eman zuten irabazlearen berri, Landako Guneko areto nagusian egindako agerraldian. Bertan izan ziren egitasmoaren bultzatzaileak, Gerediaga elkarteko presidente Nerea Mujika, Durangoko alkate Aitziber Irigoras eta Sormen bekako epaimahaiburu izan den Itxaro Borda, besteak beste. Idazlearekin batera osatu dute epaimahaia Garbiñe Ubedak, Patxi Zubizarretak, Esti Albizuk eta Xabier Bovedak.

Literatura izan da bekaren gaia aurten, eta, orotara 28 proiektu aurkeztu badira ere, Etzi Portu Maritimoa taldeak aurkeztutako joko egitasmoa izan da guztien artean aukeratua. Proiektuaren originaltasuna azpimarratu zuen epaimahaiak: «Rol joko bat euskaraz, literatura fantastikoaren eta jolas kolektiboaren gurutze-bidean, sortzaile talde dinamiko batek ekartzen duena. Irudimena eta irudiak lantzen dituzte, Euskal Herriko gaurkotasunean errotzen da, eta umorea ere sartzen da narrazio eta komentarioetan», nabarmendu zuen Bordak.

«Gabezia» batetik abiatutako proiektua da ATOPIArpg, sortzaileen hitzetan, euskarazko rol jokoetan dagoen hutsunea bete asmo duena, hain zuzen ere. «Lagunekin elkarri ipuinak kontatzeko modu bat da, tradizio luzea duen literatura forma bat. Ez genuen euskarazkorik aurkitzen, eta nork argitaratuko duen itxaroten egon beharrean, iruditu zitzaigun hobe zela guk geuk sortzea», adierazi zuen Xabier Landabidek, joko egitasmoaren sustatzaileetako batek. Harekin batera, halaber, Galder Gonzalezek, Beñat Irasuegik, Oihana Kalparsorok, Yerai Gasconek, Unai Gorrotxategik, Gorka Salcesek eta Eneko Olazabalek ondu dute dira proiektua.

Euskarazko rol jokoaren liburua sortu eta argitaratzea du proiektuak xede nagusitzat. Sortzaileen hitzetan, halere, hori baino gehiago da egitasmoa. «Proiektu honetan aurkezten den egitasmoak euskaraz sortu eta argitaratutako lehen rol jokoaren liburua du helburu, baina proposamen honekin paraleloan adierazpide ezberdinak lantzen saiatzen ari gara, blog, sare sozial eta irrati bidez euskarazko rol jokoen posibilitateak aztertzeko».

Horretarako, baina, ilustratzaileak eta programatzaileak, idazleak eta irakurleak, jokalariak eta kontalariak jarriko dituzte harremanetan. «Rol joko honen bidez, irakurketa eta idazketarako ahalegin kolektiboki gozagarriak ahalbidetu nahi ditugu, liburu honen sormen prozesutik bertatik hasita».

Urtebeteko epea izango dute jokoa sortu eta argitaratzeko. Horretarako, Durangoko Udalak emandako 15.000 euroko beka jasoko du taldeak, eta heldu den urteko azokan aurkeztu beharko dute. Beka amaitzean, halere, proiektuari segida emateko nahia agertu dute sortzaileek, eta, liburutik abiatuta, ipuin laburren bilduma bat, komikiak, podcast saioak eta ikus-entzunezko animazioak sortuko dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna