Albistea entzun

Parke eolikoak babesguneetan eraikitzeko bidea libre utzi du legebiltzarrak

Kanpoko energiarekiko menpekotasuna murriztea lehentasuntzat jo du EAJk. Legebiltzarrak ez du onartu ongizate energetikoa «eskubide subjektibo» izendatzea
Eusko Legebiltzarreko osoko bilkura, atzo, Benidormeko hilketa matxista salatzeko egin zuten isilaldian.
Eusko Legebiltzarreko osoko bilkura, atzo, Benidormeko hilketa matxista salatzeko egin zuten isilaldian. L. RICO / EFE Tamaina handiagoan ikusi

Iñaut Matauko Rada -

2022ko irailak 30

Eusko Legebiltzarraren urte politiko berriko bigarren osoko bilkura egin zuten atzo, eta Elkarrekin Podemos-IUk eta EH Bilduk Energia Berriztagarrien Lurralde Plan Sektorialean esklusio zonak izendatzea proposatu zuten legez besteko proposamen baten bidez, babesguneetan proiektu fotovoltaiko edo eolikorik ez eraikitzeko. Hala ere, legebiltzarrak ez zuen onartu bi koalizioen proposamena: horren ordez, EAJk eta PSE-EEk aurkeztutako osoko zuzenketa onetsi zuten. Horren bidez, legebiltzarrak konpromisoa hartu du «energia garbiak nahitaez sortzea ahalbidetuko duten akordioak aurrera ateratzeko eztabaidak sustatzeko».

Zehazki, EH Bilduk eta EP-IUk proposatu zuten bost megawattetik gorako azpiegitura fotovoltaiko eta eolikorik ez eraikitzeko ondorengo inguruneetan: naturgune babestuetan, nekazaritza balio handiko lurretan eta proiektuek hegazti nekrofagoen iraupena arriskuan jartzen duten lekuetan.

Miren Gorrotxategi EP-IUko legebiltzarkideak adierazi zuen beharrezkoa dela energia berriztagarria ekoizteko azpiegiturak sortzea, baina ez «edozein lekutan». Gorrotxategik esan zuen energia berriztagarrien LPSa ez dela iritsiko 2024ra arte, eta gehitu zuen proposatutako neurria lagungarri izango litzatekeela babestu beharreko guneak babesten. Tramite burokratikoak azkartuko lituzkeela ere adierazi zuen: «Lur bat espazio babestu izendatu bada, ez du zentzurik ingurune eraginaren gaineko ebaluazioa eskatzeak».

EH Bilduko ordezkariak, Mikel Oterok, azaldu zuen proposatutako neurriak bi xede dituela: bata, Eusko Jaurlaritzari eskatzea hurrengo Energia Berriztagarrien LPSean esklusio zonak izendatzeko mekanismoak barneratzea, eta bestea, «planaren tramitazioa hainbeste atzeratzen ari denez, onartu bitartean neurri batzuk hartzea». Gorrotxategi eta Oteroren hitzei erantzunez, Luis Javier Telleria EAJko kideak esan zuen Araba, Bizkai eta Gipuzkoan babestutako espazioak ingurune «oso antropizatuak» direla, heterogeneoak, eta ezin dela debekatu ingurune horietan halako proiektuak garatzea. Gorbeiako kasua jarri zuen eredu gisa: «Gorbeiako Parke Naturala autobide batek zeharkatzen du, baina horrek ez dio balio naturala kentzen». Bestalde, hiru lurraldeak kanpoko energiarekiko oso menpeko direla esan zuen EAJko eledunak, eta «autosufizientzia energetikoa» aldarrikatu zuen horri aurre egiteko.

Ongizate energetikoa

EH Bilduk beste legez besteko proposamen bat egin zuen, Araban, Bizkaian eta Gipuzkoan ongizate energetikoa «eskubide subjektibo» izateko lege bat bultzatzeko, baina legebiltzarrak ez zuen onartu. Horren ordez, EAJ eta PSE-EEren osoko zuzenketa bat onartu zuten, Eusko Jaurlaritzari energiaren garestitzeari aurre egiteko neurriak hartzeko eskatuz.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.
Atzo Euskalgintzaren Kontseiluak antolatutako agerraldia; Iratxe Retolazak eta Leire Vargasek irakurri zuten adierazpena. ©MARISOL RAMIREZ / FOKU

«Euskarak izan behar du hezkuntza sistemako hizkuntza normalizatua»

Imanol Magro Eizmendi Arantxa Iraola

Euskalgintzako hainbat pertsona ezagun batu ditu Euskalgintzaren Kontseiluak; adierazi dute euskara eta euskal kultura behar dituela ardatz Araba, Bizkai eta Gipuzkoarako ontzen ari diren Hezkuntza Legeak

Osakidetzako krisia areagotu du beste arduradun baten dimisioak

Ion Orzaiz

Kargua utzi du Adolfo Begiristainek, Donostia ospitaleko kirurgia zerbitzuko zuzendariordeak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...