Noiz sortua: 2019-09-11 00:30:00

Kataluniako prozesu subiranista. Diada

Karrika berriz astintzeko erronka

Biltzar Nazional Katalanak Bartzelonako Kale Nagusia betetzeko deia egin du gaur, 'Independentzia helburu' lelopean. 400.000 herritarrek eman dute izena
Bartzelonako Diagonal etorbidea jendez gainezka, ANCk iazko Diadan antolatu zuen ekitaldian.
Bartzelonako Diagonal etorbidea jendez gainezka, ANCk iazko Diadan antolatu zuen ekitaldian. ALEJANDRO GARCIA / EFE Tamaina handiagoan ikusi

Mikel Rodriguez -

2019ko irailak 11

ANC Biltzar Nazional Katalanak zortzigarren aldiz jarraian antolatu du Diadako aldarrikapen ekitaldi nagusia. Aitzinekoetan jendetza ikusgarriak erantzun dio ANCren deiari, eta prozesu independentistak bultzadatzat hartu izan du mobilizazioen arrakasta. Aurten, ordea, zalantza izan da nagusi, Diada egokitu baita Espainiako Auzitegi Gorena lider independentisten auziko epaia ematear dela eta alderdi politiko independentistak desadostasunetan nahastuta daudela. Hala ere, badirudi ANCk bertze behin lortuko duela karrika astintzea, atzo jakinarazi zuenez 400.000 herritarrek eman baitute izena gaurko ekitaldian parte hartzeko —460.000 ziren iazko bezperan—.

Bartzelonako Kale Nagusia da ANCk aukeratu duen topagunea. 16:00etarako deitu herritarrak han biltzera, Independentzia helburu leloa duen mobilizaziora. Iaz Diagonal etorbidean egin bezala, zatika banatuko du Kale Nagusia, Gracia pasealekuaren eta Espainia plazaren artean. Ekitaldia bera 17:14an hasiko da, borboitarrek Katalunia konkistatu eta hango instituzioak indargabetu zituzten urtea oroitzeko. 45 minutu inguru iraunen du, eta hiru zatitan banatu dute: lehen zatian, «gizartearen aniztasuna» irudikatuko dute; bigarrenean, «gizarteak egin dezakeena» azalduko dute; eta, hirugarrenean, ANCko, Omnium Culturaleko eta AMI Independentziaren aldeko Udalerrien Elkarteko kideek adierazpen bat irakurriko dute.

Iaz bezala, euskal herritarrei dei berezia egin diete ANCren ekitaldian parte hartzeko. Zehazki, ibilbidearen 21.a eta 22.a izanen dira euskal zatia. Independentistak sareak kalejira bat antolatu du Bartzelonako Euskal Etxetik Kale Nagusiraino (15:00).

Ekitaldi saila egun osoan

Nahiz eta ANCk antolatutakoa den gaurko ekitaldi nagusia, urtero bezala ekintza dezente antolatu dira. Bezperan egin ohi da Generalitatearen ekitaldi instituzionala, baina atzo, eguraldia zela-eta gibelatzea erabaki zuten. Gaur arratsean eginen dute Generalitatearen Jauregiaren parean (22:00). Ez da izan eguraldiak oztopatu duen ekitaldi bakarra, bart Montserrat mendian egitekoa zena ere bertan behera utzi baitzuten —131 zuzi piztekoak ziren, Generalitateko 131 presidenteen omenez—.

Gaurko bertze ekitaldien artean, nabarmentzekoak dira Omniumek auzipetuen absoluzioa eskatzeko deitu duen martxa —12:00etan, Bartzelonako Lluis Companys pasealekuan—, CDR Errepublikaren defentsarako batzordeek parlamentuaren parean deitu duten elkarretaratzea (13:00), eta CUPek eta ezker independentistako bertze eragile batzuek Urquinaona plazan eginen duten manifestazioa, 18:30ean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna