Albistea entzun

Andre migratuak eta arrazializatuak «giza kapitalaren» erreferente dira elkarteetan

Arabako, Bizkaiko eta Gipuzkoako taldeetan jarduten duten hainbat emakume migratu eta arrazializaturi elkarrizketak egin dizkiete, feminismoa eta intersekzionalitatea ardatz. Landaidak goraipatu egin du lana, gogoeta bultzatzeagatik
Cecilia Themme Afan, Carmen A.Cares Mardones eta Izaskun Landaida atzo, Gasteizen.
Cecilia Themme Afan, Carmen A.Cares Mardones eta Izaskun Landaida atzo, Gasteizen. ENDIKA PORTILLO / FOKU Tamaina handiagoan ikusi

Amaia Ramirez de Okariz Kortabarria -

2021eko apirilak 14

Emakume migratuak eta arrazializatuak «giza kapitalaren eta disidentziaren erreferente» dira Arabako, Bizkaiko eta Gipuzkoako elkarteetan. Hala ondorioztatu dute atzo Emakundek Gasteizen aurkeztu zuen ikerketan. Feminismoa eta intersekzionalitatea hizpide, hainbat emakumeren ahotsa entzun dute egileek, eta ondorioztatu dute andre horiek, besteak beste, berdintasunaren, eta eskubide sozialen, zibilen eta politikoen aldeko borrokan laguntzen dutela jatorrizko herrialdean zein helmugakoan. Erresistentzia «ekintza kolektibo gisa» ulertzen dute, eta diskurtso politiko «indartsua» dute. Feminismoz eta antirrazismoz jarduten dute, eta, batzuetan, dekolonialismoaren eta feminismo zuriari eginiko kritikaren ikuspegitik.

Carmen A.Cares Mardones eta Cecilia Themme Afan ikertzaileek ondu dute ikerketa lana, immigrazioa eta genero desberdintasuna hizpide hartuta. Emakume etorkinen parte hartzea Euskadiko mugimendu migratzaile eta feministetan: narratibak, estrategiak eta erresistentziak izenpean osatu dute lana, eta, horretarako, Arabako, Bizkaiko eta Gipuzkoako elkarteetan jarduten duten 30 andre elkarrizketatu dituzte. Izaskun Landaida Emakundeko zuzendariak ikertzaileen lana goratu du, «emakume migratu eta arrazializatuen parte hartze politiko eta sozialari buruzko prozesu gogoetatsu eta kritiko bat» egiteagatik. Haren arabera, andreen artean dagoen «aniztasuna» islatzea garrantzitsua da; besteak beste, estereotipoak deseraiki ahal izateko.

Elkarrizketatutako pertsonek parte hartzen duten elkarteen ereduei dagokienez, egileek adierazi dute ezberdintasunak daudela lurralde batetik bestera: Araban, emakume migratzaileen gehiengoa kultur elkarteetan biltzen da; Bizkaian, bakarrik andre migratuez osatutakoetan; eta Gipuzkoan, oreka dago migratzaileak direnen eta ez direnen artean. Horietako batzuetan, gainera, genero ikuspegia txertatzen saiatzen dira.

Ahaldundu eta integratu

Talde batean edo bestean jardun, Themmek azpimarratu duenez, emakume gehienek aitortu dute elkarteetako jardunak beraien «ahalduntze prozesuetan» lagundu duela, eta baita tokian tokiko integrazioan ere. «Elkarteak gizarte arrazakeriaren eta arrazakeria instituzionalaren aurkako euskarri izan dira, eta integrazio soziala, kulturala eta politikoa, eta gizarte kohesioa errazten laguntzen dute». Erantsi du prozesu horien helburua «elkar aberastea» dela, eta ez norbere nortasuna galtzea.

Instituzioen parte hartzea ere funtsezkotzat jo dute egileek, eta, beraz, proposamenak egin dizkiete erakundeei, hala nola berdintasunerako politika publikoetan intersekzionalitatea gogoan izan dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ursula von der Leyen Europako Batzordeko lehendakariaren artxiboko irudi bat. ©OLIVIER HOSLET / EFE

Txertoen patenteak kentzearen gainean eztabaidatzea onartu du Europak

Maria Ortega Zubiate

Herrialde ekoizleei dei egingo diete «esportazioa baimendu eta hornikuntza kateak oztopatzen dituzten neurriak deuseztatzeko». Europako Batasuna da «munduko txerto esportatzaile nagusia». AEBek babestu egin dute txertoei patentea kentzea.

Iñigo Urkullu Eusko Jaurlaritzako lehendakaria, gaur, Eusko Legebiltzarrean. ©David Aguilar / Efe

Jaurlaritzak ez dio helegiterik jarriko EAEko Auzitegi Nagusiaren erabakiari

Berria

Urkulluk esan du soilik auzitegiak onartutako neurri murriztaileak sartuko dituztela alarma egoeraren ondorenerako aterako duten dekretuan. «Bermeak» nahi ditu, eta errekurtsoa jartzeak «ziurgabetasun aldi bat» sortuko lukeela uste du.

PCRak egiteko eremua, Nafarroako Ospitale Gunean. ©IÑIGO URIZ / FOKU

Apaltzerik ez, hirugarren egunez: 809 positibo Hegoaldean

Ion Orzaiz

13.965 PCR eta antigeno test egin dituzte Osakidetzak eta Osasunbideak, eta positibotasuna apur bat igo da, %5,8raino

Euskara azterketa, atzo, Barakaldoko BECen. ©BERRIA

Ia 17.000 ikasle ari dira atzoz geroztik HABEren euskara azterketa egiten

Gotzon Hermosilla

Arabako, Bizkaiko eta Gipuzkoako deialdiez gain, Madrilgo eta Bartzelonako Euskal Etxeetan ere egingo dute euskara azterketa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna