Albistea entzun

Krisi ekologikoari buruz podcast bat eta buletin bat abiatu ditu BERRIAk

Kinka. Klima eta natura krisian podcasta gaurtik aurrera entzun liteke, eta hamabostero atal berri bat kaleratuko dute. Albiste buletin bat ere zabaltzen hasiko dira, urriaren 20tik aurrera.
Klima larrialdia salatzeko protesta bat, iaz, Bilbon.
Klima larrialdia salatzeko protesta bat, iaz, Bilbon. ARITZ LOIOLA / FOKU Tamaina handiagoan ikusi

Mikel P. Ansa -

2022ko urriak 4 - Andoain

Aurtengo uda inoizko beroenetako bat izan da Europan; itsasoko urak inoiz baino beroago egon dira; aspaldiko euri gutxien egin du; tenperatura beroenek marka berriak jarri dituzte; CO2 isuriak ostera ere ugaritu egin dira... Erantsi horri bioaniztasunaren galera, suteak, glaziar eta izotz masa handien urtzea, energia ereduaren krisia, Groenlandia eta Antartika mendebaldeko izotzak uste baino ahulagoak direla konturatu direla aurten... Ingurumena kinka estuan dago, eta 2022ko albisteek erakutsi dute bizkortzen ari dela krisi hori, eta handitzen ari dela gai horiei buruzko kezka. «Nora doa mundua?», galdera zabalduz doa, eta kezka horri heldu nahi dio BERRIAk, Kinka proiektu berriarekin. Klima eta natura krisian lelopean, podcast bat eta albiste buletin bat zabalduko ditu hemendik aurrera, gai horiei buruzko informazioa eta baliabideak emateko irakurleei eta entzuleei.

Entzun Kinka podcastaren lehen saioa.

Eman izena Kinka albiste buletina posta elektronikoan jasotzeko.

Podcastaren lehen saioa entzuteko moduan dago, gaurtik, BERRIAren webgunean bertan eta ohiko plataformetan —iVoox, Spotify, Apple Podcasts eta Google Podcasts—. Astearteetan argitaratuko da, hamabostean behin. Saio bakoitzean gai bati erreparatuko diote, erreportaje edo elkarrizketa baten bidez, eta askotariko gaiak jorratuko dituzte: bioaniztasuna, energia berriztagarriak, trantsizio ekologikoa, gazteak eta ekologia, mikroplastikoak, baso politika... Lehen saioan, Ekotopaketen berri eman dute, esaterako. Gaurkotasunari ere begiratuko diote, albiste nagusiei errepaso bat eginez. Baina podcasta hori baino gehiago izango da.

Ikusi gehiago: Nagore Arin, BERRIAko kazetaria: «Esango nuke alerta gorri bat piztu dela gai honen inguruan»

Naturari eta klima aldaketari buruz ikasteko aukera bat ere izango baita podcasta. Kolaboratzaile batzuek, txandaka, aholkuak emango dituzte saioan, ingurumena zaintzeko entzuleek egin ditzaketen ekintza pertsonal eta kolektiboei buruzko pistak eta ideiak emateko. Hiztegi bat ere osatuko dute, ingurumenari eta klima larrialdiari buruzko kontzeptuak eta erreferentzia interesgarriak ikasteko eta ezagutza zabaltzeko. Bestalde, galdera bat ere egingo dute saio bakoitzean, entzuleek gogoeta egiteko eta parte hartzeko, sare sozialen bidez. Eta Kantu bat naturari atalarekin bukatuko dute saio bakoitza.

Euskarazko podcastak bultzatzen ari da BERRIA azkeneko urteotan, eta feminismoari eta musikari buruzko saioak martxan ditu —BerriaFM eta Dunbala—, besteak beste. Eskaintza hori zabaldu ere egingo du Kinka podcast berriak, BERRIAren zaleei informazioa jasotzeko bide berriak emanez.

Posta elektronikoan ere bai

Podcasta, nolanahi ere, Kinka proiektuaren adar bat da. Bestea albiste buletina izango da. Kinka buletina ere hamabostean behin zabalduko da, ostegunetan, eta izena ematen dutenek posta elektronikoan jasoko dute, zuzenean, ingurumenari eta klima larrialdiari buruzko azken berriei buruzko xehetasunekin.

Aktualitateari erreparatuko dio albiste buletinak, batez ere. Krisi ekologikoaren inguruan sortzen diren berri nagusien gakoak emango dizkie irakurleei. BERRIAko kazetariek osatutako lantalde batek idatziko ditu artikulu horiek, eta posta elektronikoan soilik irakurri ahal izango dira.

Albiste buletin hori jaso nahi dutenek izena eman beharko dute helbide honetan: www.berria.eus/kinka. Informazioa abiadura bizian sortu eta iraungitzen den garaiotan, irakurleak bi astean behin jasoko ditu bere posta elektronikoan krisi ekologikoari buruzko azken jakingarriak, garrantzitsua denaz jakinaren gainean egoteko. Urriaren 20an zabalduko dute lehen buletina, eta dagoeneko izena eman dezakete jaso nahi dutenek.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Espainiako Auzitegi Goreneko magistratuak. ©FERNANDO ALVARADO / EFE

Sexu indarkeriagatik kondenatutakoei zigorrak «kasuan-kasuan» arintzea babestu du Espainiako Auzitegi Gorenak

Ion Orzaiz

Soilik baietz da baietz legea atzerako eraginez aplikatzeko jurisprudentzia sortu du auzitegiak

EH Bilduren eta LABen agerraldia, gaur goizean, Donostian ©Andoni Canellada / FOKU

EH Bilduk eta LABek «konfluentzia» nahi dute, ikastolen eta sare publikoaren «onena» jasota

Irati Urdalleta Lete

Aitortza egin diete sare publikoari nahiz ikastolei. Grebak aipatuta, esan dute bat egiten dutela langileen eskaerekin.

Hernaniko Udaleko bilkura, gaur. ©Uema

Uemako 96. udalerria izango da Hernani

Berria

Eustaten datuen arabera, udalerriko biztanleen %70 dira euskaldunak. Mankomunitateak abenduaren 17an onartuko du eskaera.

Irene Montero, Felix Bolaños eta Ione Belarra, artxiboko irudian ©Emilio Naranjo/ Efe

Familien legearen atzerapenak beste pitzadura bat eragin du PSOEren eta Unidas Podemosen artean

Edurne Begiristain

Ministroen Kontseilua gaur zen onartzekoa familien legearen proiektua, baina Moncloako iturriek gauerdian iragarri zuten ez zutela gaurko bileran aztertuko, gobernuko bi kideen arteko desadostasunak direla eta.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...