Albistea entzun

Subijana progresista aukeratu dute EAEko Auzitegi Nagusiko presidente

Espainiako Botere Judizialaren Kontseilu Nagusian hautatu dute, bigarren bozketan. Gipuzkoako Probintzia Auzitegiko burua izan da azkeneko hamar urteotan. Juan Luis Ibarra ordezkatuko du

Iñaki Subijana, EAEko Justizia Auzitegi Nagusiko presidentea, 2013an egindako argazki batean.
Iñaki Subijana, EAEko Justizia Auzitegi Nagusiko presidentea, 2013an egindako argazki batean. JON URBE / FOKU Tamaina handiagoan ikusi

Igor Susaeta - Jon Ordoñez Garmendia -

2021eko martxoak 5

Iñaki Subijana magistratu progesista da EAEko Justizia Auzitegi Nagusiko presidente berria. Espainiako Botere Judizialaren Kontseilu Nagusiaren osoko bilkuran izendatu zuten, atzo, eta 2010etik iazko ekaina arte presidente izandakoa ordezkatuko du, Juan Luis Ibarra. Azken hamar urteotan Gipuzkoako Probintzia Auzitegiko presidentea izan da, eta, besteak beste, Demokraziaren Aldeko Epaileak elkarteko bazkidea da.

Subijanaz gain, beste bost jurista ziren hautagaiak: Garbiñe Biurrun auzitegi bereko gizarte arloko presidentea —Botere Judizialaren Kontseilu Nagusiak berriro aukeratu zuen, atzo—, Ibarra erretiratua behin-behinean ordezkatu duena; Maria Mercedes Guerrero Arabako Probintzia Auzitegiko presidentea; Edorta Josu Etxarandio Nafarroako Probintzia Auzitegiko magistratua; Antonio Garcia EAEko Auzitegi Nagusiko arlo zibileko eta zigor arloko salako epailea; eta Luis Angel Garrido EAEko administrazioarekiko auzien salako presidentea —COVID-19aren intzidentziarik handieneko tokietan ere ostalaritza irekitzeko ebazpena eman zuen, aurreko hilabetean—.

Gehiengo kalifikatua behar da EAEko Auzitegi Nagusiko presidentea izendatzeko, eta Subijana bigarren bozketan izendatu zuten: haren hautagaitzaren alde bozkatu zuten Espainiako Botere Judizialaren Kontseilu Nagusiaren 21 kideetatik hamahiruk.

Organo horrek bi urte eta hiru hilabetean dihardu behin-behinean funtzionatzen, eta hura berritzeko asmoz PSOE eta PP egiten ari diren negoziazioak blokeatuta daude oraintxe. Iturri judizialak aipatuz Espainiako zenbait hedabidek kaleratutakoaren arabera, kontseilu nagusiko zenbait kideri iruditzen zaie ez dela zilegi behin-behineko egoeran izendapenak egiten jarraitzea. Gehiengo kontserbadorea du kontseiluak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

EH Baik elkarretaratzea egin zuen atzo goizean, Euskal Hirigune Elkargoaren egoitza aitzinean. ©GUILLAUME FAUVEAU

Bizilekuen Tokiko Programa onetsi du Euskal Elkargoak

Ekhi Erremundegi Beloki

Bideokonferentziaz egin dute Euskal Hirigune Elkargoko batzarra, osasun egoeraren ondorioz. 630 milioi euroko aurrekontua onartu dute hautetsiek, inbertsiorako 160 milioi euro atxikita

Aitor Esteban EAJko diputatua, Espainiako Kongresuan. ©CHEMA MOYA / EFE

Martxorako agindutako eskumenak ez ditu uda aurretik jasoko Jaurlaritzak

Jon O. Urain

Martxorako agindutako eskumenak ez ditu uda aurretik jasoko Jaurlaritzak. EAJk izurriari eta Madrilgo bozei egotzi die atzerapena

Ander Iriarte eta Paco Etxeberria, dokumentalaren grabazioan, joan den larunbatean. ©JON URBE / FOKU

Grabaketak amaituta, azken lanetan da 'Krask soinua'

Jon O. Urain

Grabaketak amaituta, azken lanetan da 'Krask soinua', 1960-2014 aldiko torturak jasotzen dituen txostenean oinarritutako dokumentala. Tratu txarren adiera «sofistikatua» hartu dute ikergai, horien «bilakaera horrelakoa izan delako».

Puerto I eta II espetxeak, joan den urrian. ©NAGORE ARIN

Herrera de la Manchan ez da jada euskal presorik, eta laster Puerto Ien ere ez da izanen

Maddi Ane Txoperena Iribarren

Hiru euskal preso hurbilduko dituztela iragarri dute Espainiako Espetxe Erakundeek: Fernando Elejalde Tapia Puerto Ietik Mansillara mugituko dute, Iñigo Vallejo Franco Dueñasetik Duesora eta Garikoitz Etxeberria Goikoetxea Sevilla IItik Dueñasera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna