Albistea entzun

Eolikoek haizatu dute politika

Statkraftek bi parke eoliko eraikitzeko proposatutako eredua ondo hartu du Otegik, eta prozesua herritarrekin egitearen alde agertu da. Fagor hasia da hizketan Statkraftekin

Iberdrolak eraikitako Elgea-Urkillako parke eolikoko haize errotak, Araban.
Iberdrolak eraikitako Elgea-Urkillako parke eolikoko haize errotak, Araban. DAVID DE LA IGLESIA VILLAR Tamaina handiagoan ikusi

Iraia Vieira Gil -

2022ko irailak 16

Norvegiako Statkraft enpresa publikoak lehen urratsak egin ditu Euskal Herrian bi parke eoliko eraikitzeko, eta horrek eztabaida politikoa hauspotu du. Eusko Jaurlaritzarekin harremanetan jarri zirela iragarri zuen, eta Nagore Alkorta Azpeitiko EH Bilduko alkateak ere onartu zuen bazutela proiektuaren berri, eta «berritzailea» dela. Aztertzeko prest agertu ziren. EAJk koalizioaren «jarrera berria eskertu» du. Arnaldo Otegi EH Bilduren koordinatzaile nagusiak esan du aldaketarik ez dutela izan: «Ezker subiranistak beti egin du burujabetza energetikoaren eta energia jasangarrien alde». Uste du Jaurlaritza ez zegoela prest energia krisiari aurre egiteko, orain arte energiaren gaian egin dituen apustuen ondorioz, eta, orain, «jarrera aldatu dute»: «Nuklearren alde egin zuten lehenengo, gasaren alde ondoren, eta energia berriztagarriak nahi dituzte orain».

 

Otegik Radio Euskadin azaldutakoaren arabera, itun energetikoak estrategia nazionala behar du, eta trantsizio energetikoa jendearekin egin behar da. Jorratuko duten ildoa hori izango da. Herri batean halako proiektu bat aurkeztu den bakoitzean herri batzarrak egingo dituztela esan du, enpresek azalpenak emateko.

Azpeitian, Errezilen eta Zestoan (Gipuzkoa), eta Aramaio eta Eskoriatza artean (Araba eta Gipuzkoa) eraiki nahi dituzte parke eolikoak. Eneko Andueza PSE-EEko idazkari nagusiak horien alde egin du, eta eredu energetikoa aldatzeko beharra dagoela esan: «Positiboa izango litzateke Euskadin trantsizio energetikorako akordio bate lortzea».

Elkarrekin Podemos-IUk ez du begi onez ikusi proposamena. Atzerriko enpresa publikoekin lanean ibili beharrean, tokiko enpresa publikoak babestu beharko liratekeela adierazi du Miren Gorrotxategi legebiltzarkideak: «Etorkizuneko proiektuek ingurumena eta biodibertsitatea babestu behar dituzte, tokiko komunitateei mesede egin behar diete, eta etekin ekonomikoek, ahal dela, Euskadin geratu behar dute». Energia enpresa publiko bat sortzeko ere eskatu du.

Fagorrekin harremanetan

Statkraftek bide bat irekita uzten du enpresek, erakunde publikoek eta herritarrek proiektuaren garapenean parte hartzeko. Aritz Otxandiano Fagorreko Iraunkortasun arduradunak Euskadi Irratian egindako elkarrizketan esan du aztertzen ari direla energia berriztagarrietan oinarritutako proiektuetan inbertitzea. Statkraftekin lehen hartu-emanak hasi dituzte, eta prest daude parke eolikoek eskaintzen dituzten aukerak aztertzeko, «betiere, Debagoieneko herritarrekin eta udalekin elkarlanean arituz».

Prozesua hastapenetan bada ere, Otxandianok esan zuenez, parkeak egongo diren lurraldeetako agenteek jabetzan eta kudeaketan parte hartuko dute zuzenean. «Arrazoizko prezioan sortuko duten energiaz baliatu ahal izango dira».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Jon Urbe / FOKU

Agus Rodriguez: «Jantoki sozial bat izan daiteke zerbait duina»

Miren Garate - Gipuzkoako Hitza

Kalean daudenen kopurua asko handitu da Donostian. Agus Rodriguez Donostiako Kaleko Afari Solidarioak egitasmoaren sustatzailearen esanetan, udalak bere gain hartu behar luke pertsona horien gaineko ardura, baina gaur egun eskaintzen dituen baliabideak ez dira aski.

GuraSOS deitutako manifestazioa, gaur Donostian. ©Gorka Rubio, FOKU

Zubietako erraustegia ixteko eskatu dute ehunka lagunek Donostian

Uxue Rey Gorraiz

Aldeen arteko elkarrizketa bat izan dadila galdegin dute, auziari irtenbidea bilatzeko, eta grinez nabarmendu ez Gipuzkoako Aldundiak ez eta Jaurlaritzak ere ez dutela «hitza bete».

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...