Albistea entzun
Emakumeen aurkako indarkeriari ez
Emakumeen aurkako indarkeriari ez

Zubietako erraustegia martxan jarri du GHK-k, kontzesioa onartuta

Olanok adierazi du Europan hondakinen kudeaketarako erreferentzia bat dela. Asensioren arabera, 160 mila tona hondakinetatik %8 eta % 10 artean berreskuratuko da; gainontzekoa, energiarako
Olano Gipuzkoako ahaldun nagusia eta Asensio Ingurumen diputatua Zubietako erraustegian, atzo.
Olano Gipuzkoako ahaldun nagusia eta Asensio Ingurumen diputatua Zubietako erraustegian, atzo. GORKA RUBIO / FOKU Tamaina handiagoan ikusi

Amaia Ramirez de Okariz Kortabarria -

2020ko abenduak 12

Zubietako (Gipuzkoa) erraustegia martxan jarri du GHK Gipuzkoako Hondakinen Kontsortzioak, Markel Olano Gipuzkoako Foru Aldundiko ahaldun nagusiak eta Jose Ignazio Asensio Ingurumen diputatuak atzo akinarazi zutenez. Haien arabera, azpiegitura orain dela hilabete batzuetatik egon da martxan, baina enpresa kudeatzaileen kontzesioa onartzea falta zen. Beraz, atzo hasi ziren enpresa horiei erraustegiko azpiegiturengatik ordaintzen, eta hala, behin betiko funtzionamenduari ekin zioten.

Datuak eskaini, eta adierazi zuten Gipuzkoan %55koa dela birziklatze tasa. Olanoren arabera, Europako iparraldeko beste herrialde batzuen maila berean koka daiteke, hala nola Alemaniaren parean. Gainera, erantsi zuen erraustegi hau Europan hondakinen kudeaketarako erreferentzia bat ere badela. Eta, haren ustez, proiektuak bide emango du beste zenbait erronkari eusteko; esaterako, ekonomia zirkularrari.

Modernizazioaren aldeko apustua egin dutela aipatu zuen Asensiok: «Hemen, hondakinak ez dira zabor bilakatzen, baizik eta lehengai; tratamendu mekanikoko eta biologikoko plantan sortzen den material guztia berreskura daiteke, eta balorizatu, materialki eta energetikoki». Nabarmendu zuen erraustegiak 160 mila tona hondakin jasotzeko gaitasuna duela, eta horietatik %8 eta %10 bitartean berreskuratuko dela; gainontzekoa, energiarako erabiliko da.

GuraSOSi erantzuna

GuraSOSek, erraustegia legeztatzeko prozesuan «irregulartasunak» atzeman, eta Fiskaltzara joko zuela esan zuen herenegun. Besteak beste, azaldu zuen bertako bi labeak «homologatu eta legeztatu gabe» daudela, eta erabili diren ordezko transformadoreak ez direla behar den besteko tenperaturara iristen. Izan ere, transformadore nagusia bi aldiz saiatu dira pizten; emaitzarik gabe.

Olanok eta Asensiok gezurtatu egin zituzten esan horiek, erraustegiak baimen eta lizentzia denak dituela nabarmenduta. Are, ahaldun nagusiak esan zuen oposizioak orain ezingo duela proiektua atzera bota, jada martxan dagoelako. Erraustegiko kudeatzaileek adierazi zuten transformadore nagusia konpondu bai, baina oraindik ez dutela konektatu. Isuriak kalkulatzeko ikusgailuek ere parametro egokiak markatzen dituztela erakutsi zuten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ikastetxe bateko korridorea eta ikasgela, artxiboko irudi batean. ©BIEL ALIÑO / EFE

Hezkuntza Legeari eginiko ekarriak, murgiltzetik «laikotasun positibora»

Irati Urdalleta Lete

35 eragilek eta norbanakok egin dizkiote zuzenketak Eusko Jaurlaritzaren Hezkuntza Legearen aurreproiektuaren lehen zirriborroari; euskarak eduki beharreko garrantzia da ardatzetako bat

Manifestarietako batzuk bandera moreak astintzen, Bulebarrean. ©JON URBE / FOKU

Ozen berriz: «Aski da!»

A. Iraola - I. Orzaiz - M. Asensio Lozano

Mugimendu feministak kaleak bete ditu bortxa matxistaren aurkako mezuekin. Justizia «feminista» aldarrikatu dute. Instituzioen elkarretaratzeak ere izan dira

 ©BERRIA
<b>Txapa.</b> 'Ahobizi' txapa andre baten paparrean (artxiboko irudia). ©J.U. / FOKU

Euskarak, maitale asko eta etsai gutxi

Irati Urdalleta Lete

Nolako jarrera dute euskal herritarrek euskararen inguruan? EHUko NIK ikerketa taldearen esanetan, jarrerak onak dira orokorrean, baina badaude ahulguneak: zenbaitek mundu tradizionalarekin lotzen du oraindik ere euskara; ez, ordea, gai espezifikoekin edo lagunartean erabiltzearekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.