Espainiako Gobernuak ere aitortu du klima larrialdi egoeran dagoela

Ribera Trantsizio Ekologikorako ministroak jakinarazi du «urgentziazko» neurriak hartuko dituztela. Klima aldaketaren legea bultzatu nahi dute
Maria Teresa Ribera Trantsizio Ekologikorako ministroa, atzo.
Maria Teresa Ribera Trantsizio Ekologikorako ministroa, atzo. J. C. HIDALGO / EFE Tamaina handiagoan ikusi

Maddi Ane Txoperena Iribarren -

2020ko urtarrilak 22

Klima larrialdia dagoela onartu zuen Espainiako Gobernuak atzo, ministroen kontseiluaren ondoren egindako adierazpenetan. Hain justu, Pedro Sanchez buru duen gobernuak adierazpen instituzional bat kaleratu zuen klima larrialdiko egoera aitortzeko, eta neurriak iragarri zituen datozen ehun egunetarako. Klima aldaketaren legea eztabaidatu nahi dute Espainiako Kongresuan, bertzeak bertze.

Teresa Ribera Trantsizio Ekologikorako ministroak jakinarazi zuen 30 bat neurri hartuko dituztela klima larrialdiari aurre egiteko, eta horietatik bortz lehendabiziko 100 egunetan hartu nahiko lituzketela nabarmendu zuen. Deskarbonizazio plan bat prestatu nahiko lukete, adibidez, eta Riberak adierazi zuen klima aldaketari buruzko herri asanblea bat ere sortu nahi dutela, emakumeen eta gazteen parte hartzea sustatuta. Eta hori guzia enplegua sortuta eta lurraldeen arteko arrakalak apalduz lortu nahiko lukete. Bertzelako gaiak ere bildu dituzte: esate baterako, ekonomia zirkularra eta zaborren bilketa, energia berriztagarriak, garraio publikoa eta neurri fiskalak. «Anbiziotsuagoak» izate aldera, Ribera ministroak «indarrak batzera» deitu du.

Europako Parlamentuak ere egin du gisa horretako adierazpen bat; baita Eusko Jaurlaritzak eta Nafarroako Gobernuak ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Bizkaiko hiriburuan gaitzaren oldarraldi bat dagoenik esateko motiborik ez dagoela adierazi dute, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Udaletara alkateei jakinarazpena bidali du Euskadiko Udalen Elkarteak. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna