Albistea entzun
Emakumeen aurkako indarkeriari ez
Emakumeen aurkako indarkeriari ez

«Herri gogoa» Korrikatik Euskaraldira eraman nahi dute

Euskararen aldeko bi egitasmo sozialen arteko lotura irudikatu dute antolatzaileek. Hizkuntza ohiturak egonkortzean eta ahalduntzean jarriko du arreta aurten Euskaraldiak

Korrikaren eta Euskaraldiaren antolatzaileak, atzo goizean, Donostiako Koldo Mitxelena kulturunean.
Korrikaren eta Euskaraldiaren antolatzaileak, atzo goizean, Donostiako Koldo Mitxelena kulturunean. GORKA RUBIO / FOKU Tamaina handiagoan ikusi

Julen Aperribai -

2022ko maiatzak 10 - Donostia

Korrikaren antolatzaileek lekukoa pasatu diete Euskaraldikoei. Horixe irudikatu zuten atzo goizean Donostiako Koldo Mitxelena kulturunean, eta, halaber, batean erakutsitako indarra bestean isla dadin eskatu dute. Azaroaren 18tik abenduaren 2ra egingo dute ariketa sozialaren hirugarren aldia, Hitzez ekiteko garaia lelopean.

Goiatz Urkijo Euskaraldiko koordinatzaileak gogora ekarri zuenez, azken bi urteetan pandemiak «gogor» jo du gizartea, eta horrek eragina izan du mugimendu euskaltzalean ere: «Harreman sozialak zailagoak izan dira, eta horrek hizkuntza praktiketan eragina izan du; bai herritarren hizkuntza praktiketan, bai erakundeetan».

Urkijok nabarmendu zuen urte hasieran AEK-k eta Euskaltzaleen Topaguneak esan zutela aurtengo urtea «kaleak hartzekoa eta herritarrak aktibatzekoa» izango dela. Haren arabera, hala berretsi du Korrikak ere: «Erakutsi du euskararen aldeko herri gogoak sendo jarraitzen duela, eta datozen ekimenen bidez jarraitu nahi dugu herri gogoa sendotzen eta urrats zehatzak eragiten». Horien artean aipatu zituen euskararen erabilera, ezagutzaren unibertsalizazioa eta «euskararentzako gune erosoak zabaltzeko urratsak» ematen jarraitzea.

«Herri gogoari» aipamena egin zion Alizia Iribarren AEK-ko koordinatzaile nagusiak ere, eta «oso garrantzitsutzat» jo zuen erakutsitako «energia soziala» Euskaraldira eramatea, lau arrazoirengatik: «Bi ekimenak erabakigarriak direlako euskararen dinamika soziala hauspotzeko»; «indibidualismoaren garai honetan, kolektiboaren eta taldearen indarra islatzeko»; «herriak euskaraz bizi nahi duela adierazteko»; eta «hizkuntzaren biziberritzean urrats sendoak egin daitezen eskatzeko».

Martxan, tokian-tokian

Herriz herri eta auzoz auzo hasiak dira udazkeneko ariketa soziala antolatzen. Euskalgintza soziala aktibatzearen garrantziaz mintzatu zen Maddi Juanikorena Donostiako Euskaraldia batzordeko koordinatzailea. Izan ere, pandemiaren eraginez bizitza soziala mugatu behar izateak «isla» izan du batzordeetan eta euskalgintzan, oro har: «Normaltasunez lan egiteko oztopoak eduki ditugu». Halere, egoera ari da aldatzen, esan zuenez: «Nabari dugu badela gogo eta indar berezi bat, bultzada kolektibo bat; Korrikan ikusi dugu eta azken herri egitasmoetan ere nabari dugu». Juanikorenak azaldu zuen batzordeek «ahalegin berezia» egingo dutela aurten, «hizkuntza ohituretan aldaketak eman eta horiek egonkortzeko». Ahobizien eta belarripresten «ahalduntzea» ere lehentasunezkoa izango dela erantsi zuen, eta horretarako «tresnak» emango dituztela.

Euskaraldiaren aurretik egitasmo soziala berotzeko egingo dituzten zenbait ekintzaren berri eman du Urkijok. Maiatzaren 18an, entitateek izena emateko epea irekiko dute, eta, ekainean, Euskaraldiaren abestia aurkeztuko dute. Norbanakoei, berriz, irailaren 29tik aurrera zabalduko diete izena emateko epea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Manifestarietako batzuk bandera moreak astintzen, Bulebarrean. ©JON URBE / FOKU

Ozen berriz: «Aski da!»

A. Iraola - I. Orzaiz - M. Asensio Lozano

Mugimendu feministak kaleak bete ditu bortxa matxistaren aurkako mezuekin. Justizia «feminista» aldarrikatu dute. Instituzioen elkarretaratzeak ere izan dira

Ikastetxe bateko korridorea eta ikasgela, artxiboko irudi batean. ©BIEL ALIÑO / EFE

Hezkuntza Legeari eginiko ekarriak, murgiltzetik «laikotasun positibora»

Irati Urdalleta Lete

35 eragilek eta norbanakok egin dizkiote zuzenketak Eusko Jaurlaritzaren Hezkuntza Legearen aurreproiektuaren lehen zirriborroari; euskarak eduki beharreko garrantzia da ardatzetako bat

<b>Txapa.</b> 'Ahobizi' txapa andre baten paparrean (artxiboko irudia). ©J.U. / FOKU

Euskarak, maitale asko eta etsai gutxi

Irati Urdalleta Lete

Nolako jarrera dute euskal herritarrek euskararen inguruan? EHUko NIK ikerketa taldearen esanetan, jarrerak onak dira orokorrean, baina badaude ahulguneak: zenbaitek mundu tradizionalarekin lotzen du oraindik ere euskara; ez, ordea, gai espezifikoekin edo lagunartean erabiltzearekin.
Indarkeria atxistaren aurkako elkarretaratze bat, Tuteran, artxiboko irudian ©Iñigo Uriz / foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...