Albistea entzun

Karbono isuriak pandemia aurreko mailara heldu dira ia Europan

Aurtengo lehen lauhilekoan %6 handitu dira CO2 isurketak, iazko epe berarekin alderatuta. Bakarrik Finlandiak eta Norvegiak lortu dute isurketak murriztea. Bulgarian izan da igoera handiena: %38koa
Ikatza baliatzen duen argindar fabrika bat, iaz, Dattelnen, Alemanian.
Ikatza baliatzen duen argindar fabrika bat, iaz, Dattelnen, Alemanian. FRIEDEMANN VOGEL / EFE Tamaina handiagoan ikusi

Arantxa Elizegi Egilegor -

2022ko abuztuak 17

Kutsatzaile handietatik lehena izan zen EB Europako Batasuna klima larrialdiari aurre egiteko bide orri bat aurkezten. Han zehaztutako helburuetako bat izan zen 2030erako erdira murriztea karbono isuriak, modu horretan mende erdirako karbono neutraltasuna lortzeko asmoarekin. Ordea, helburua kolokan dago. Izan ere, Eurostatek atzo zabaldutako datuen arabera, karbono isuriak pandemia aurreko mailara heldu dira ia: aurtengo lehen lauhilekoan 1.029 milioi tona karbono dioxido isuri dituzte estatu kideek; 2019ko lehen lauhilekoan, berriz, 1.035 milioi tonara heldu ziren isuriak. Ekonomia bere onera etorri ahala, isurien goranzko joera ere sendotuz doala dirudi: iaz epe berean baino %6 karbono gehiago isuri du aurten EBk.

Etxeko jarduerei lotutakoak dira CO2 isurien %24. Hurrenez hurren etorriko lirateke energia arloari lotutakoak, %21, eta ekoizpenak eragindakoak, %20. Etxeko jarduerari lotutakoek ez beste guztiek gora egin dute, argi utziz amaitua dela beheranzko joera. Estatuz estatuko datuei erreparatuz gero, antzekoa da argazkia: ia guztiek handitu dituzte isurketak iazko epe berarekin alderatuta. Zerrenda horretan Bulgaria legoke lehen tokian, %38ko igoerarekin; eta Malta jarraian, %21ekoarekin. Soilik bi herrialdek lortu dute isurketak murriztea: %9 gutxiago isuri du Norvegiak, eta %1 gutxiago Finlandiak.

Ukrainako gerra

Errusiak hasitako gerrak eta haren aurka onartutako zigorrek behartu egin dituzte estatu kideak negurako gasa pilatzera, eta zenbait baita ikatza baliatzea aztertzera ere. Horietako bi dira Alemania eta Italia. Zenbait enpresak dagoeneko iragarri dute ikatz gehiago baliatuko dutela: besteak beste, Alemaniako Lanxess enpresa kimikoak.

Europako Batasuna ez da, hala ere, isurketetan gora egin duen potentzia bakarra. Mundu osoan egin dute gora kopuruek. Joan den martxoan IEA Nazioarteko Energia Agentziak argitaratutako txostenaren arabera, iaz inoizko CO2 isurketarik handienak egin zituen nazioarteak: 36,3 gigatona (Gt). 2020tik 2021era gertatu zen isurketen hazkundea ere inoizko handiena izan zen, bi gigatona baino gehiagokoa. Hori guztia, inoiz baino energia berriztagarri gehiago sortu zen urtean.

Mundu osoan gehien kutsatzen duten potentzietan hirugarrena da EB. Txina dago lehen tokian: hari dagozkio mundu osoko isurketen %33 inguru, IAEAk zabaldutako datuen arabera. Energia eskaera asko handitu zen Txinan iaz (%10), eta elektrizitate eskaeraren hazkunde horren erdia bete zuten ikatzarekin, nahiz eta berriztagarrietan ere asko inbertitu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Europako Komunitate Politikoa osatzen duten agintariak —Zelenskik bideokonferentzia bidez parte hartu du—, gaur, Pragako Gazteluan ©RADEK PIETRUSZKA / EFE

Errusiaren aurkako batasuna irudikatu dute 44 herrialdek

Ander Perez Zala

Europako Komunitate Politikoaren lehen bilkurak agerian utzi du Moskuren bakartzea kontinentean. Orbanek eskatu du zigor ekonomikoez «berriz gogoeta egiteko».

Salomon Uharteetako lehen ministro Manaseeh Sogavare eta Anthony Albanes Australiakoa, Canberran egindako batzarrean. ©LUKAS COCH / EFE

Salomon Uharteetako lehen ministroak esan du herrialdeak ez duela «inoiz» atzerriko base militarrik onartuko

Mikel O. Iribar

Australiako lehen ministro Anthony Albanesekin batzartu da Manaseeh Sogavare, Canberran. «Bakearen aldeko konpromisoa» berretsi dute.

Von der Leyen Europako Batzordeko presidentea , Macron Frantziako presidentea eta Michel Europar Kontseiluko presidentea. ©OLIVIER HOSLET / EFE

Europan «komunitate politikoa» hedatzeko goi bilera egingo dute

Gorka Berasategi Otamendi

Lehen bilera egingo du gaur Europako Komunitate Politikoak, Pragan. Atzerri gaiei buruzko foro bat izatea du helburu, EBren eta haren inguruko herrialdeen arteko «elkarlan politikoa» sustatzeko

Greziako kostazainen ontzi bat, Kardamena portuan amarratuta, Kos uhartean. ©HELLENIC COAST GUARD / EFE

Hemezortzi etorkin hil dira Greziako uretan, bi txalupa hondoratu ostean

Mikel O. Iribar

Atenasek Ankarari eskatu dio «berehalako neurriak» hartzeko, baita EBri ere. IOMen arabera, 2.100 errefuxiatu hil dira Egeo Itsasoan 2014tik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...