Albistea entzun

PP eta Ciudadanos koalizioan aurkeztuko dira legebiltzarreko bozetara

Zerrendetan «hasierako bi postu» Ciudadanosekoek edukitzea bermatzen du itunak. Alfonso Alonsok ez du begi onez ikusi akordioa
Alfonso Alonso eta Pablo Casado, iazko irailean, Gasteizen.
Alfonso Alonso eta Pablo Casado, iazko irailean, Gasteizen. ENDIKA PORTILLO / FOKU Tamaina handiagoan ikusi

Igor Susaeta -

2020ko otsailak 22

Erlojupean arituta eta azken orduan adostu duten arren, PP eta Ciudadanos koalizioan aurkeztuko dira Eusko Legebiltzarrerako hauteskundeetara. Atzo zen koalizioak erregistratzeko azkeneko eguna, eta eskuineko bi alderdiek arratsaldean sinatu zuten akordioa. Horren arabera, PP+Cs koalizioak Araban, Bizkaian eta Gipuzkoan «konstituzionalismoa batzeko» helburua izango du, eta, Ciudadanosek inoiz EAEko kontzertu ekonomikoa zalantzan jarri duen arren, itunak onartu egiten du, «herritarren askatasuna, egonkortasuna eta garapena bermatzeko tresna gisa». PPk aukeratuko du lehendakarigaia.

Ciudadanosek lortu du EAEko PPrentzat «onartezina» dena. Akordioak ez du esaten Bizkaiko eta Arabako zerrenden bigarren postuan alderdi laranjako ordezkariak joango direnik, baina «bermatzen» ditu «hasierako bi postu» Ciudadanosen ordezkarientzat.

Itun horrek, ordea, are gehiago zakartu ditu EAEko PPren eta alderdiaren buruzagitzaren arteko harreman gaiztotuak. Izan ere, Alfonso Alonso EAEko PPren buruak ez du bat egiten Pablo Casado PPren presidenteak sinatzeko agindu duen akordioak jasotakoarekin.

Zerrendak aurkezteko epea martxoaren 1era artekoa da, baina EAEko PPkoentzat, alderdi laranjakoei ez dagokie zerrenden lehen postuetan joatea, kontuan hartuta Ciudadanosek ez zuela ordezkari bat bera ere lortu 2016ko legebiltzarrerako bozetan.

Eta Alonsok ez du bat egiten, gainera, negoziazioa mamitzeko moduarekin. Madrilen ondu dute, Jose Maria Espejo-Saavedra Ciudadanosen ekintza instituzionalerako idazkariaren eta Teodoro Garcia-Egea PPko idazkari nagusiaren gidaritzapean. Eta horrek albiste soka luzea eragin du azken orduetan. Ciudadanosen negoziatzaileak herenegun prentsa agerraldia egin baino ordu batzuk lehenago mintzatu zen Alonso RNE irratian, eta adierazi zuen aurreakordioa, bi alderdiek asteazkenean iragarritakoa, «albiste oso ona» zela. Baina Alonsoren inguruko iturriak aipatuz zenbait komunikabidek kaleratutakoa aintzat hartuta, EAEko PPren buruak prentsaren bidez izan du akordioaren edukiaren berri, eta ez dute gonbidatu negoziazioetara .

Iturri horiek beraiek diotenez, Ana Beltran PPren antolakuntzarako idazkariordeak whatsapp bat bidali zion Alonsori, herenegun gauean, eskatuz atzo goizean Madrilera joan zedila akordioa irakurtzera. Alonsok erantzun zion ezin zela joan.

PPren buruzagitzaren iturriek hedabideetara filtratu dutenaren arabera, ordea, Alonso «desagertuta» egon da. Informazio horiek diotenez, EAEko PPren buruak eduki zuen akordioari buruzko «iritzia» emateko aukera, baina ez zuen Madrilera joan nahi izan; Garcia-Egearen telefono deiei erantzun ere ez zien egin, gainera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Javier Esparza UPNko presidente eta Ciudadanoseko Nafarroako buru Carlos Perez Nievas, martxoan. Biak Navarra Sumako parlamentari dira ©Jesus Diges / EFE

UPNk udan erabakiko du Navarra Sumatik atera edo ez

Joxerra Senar

Marta Alvarez Navarra Sumako parlamentaria eta UPNko kideak adierazi du PPk eta Ciudadanosek «normaltasun osoz» hartu dutela asteburuan Javier Esparzak iragarritako mugimendu hori.

EH Baiko Anita Lopepe Ainhize-Monjolosen (Nafarroa Beherea) bozkatzen, gaur. ©GuillaumeFauveau

EH Bai bigarren itzulian izanen da zazpi kantonamendutan

Ekhi Erremundegi Beloki - Paulo Ostolaza

Ezkerreko abertzaleak lehen indarra izan dira Hendaiako kantonamenduan: bozen %29,3 lortu ditu Annie Poveda eta Iker Elizalderen hautagaitzak. Zentro-eskuinak lortu ditu emaitzarik onenak Ipar Euskal Herrian.

Alain Rousset hauteskunde kanpainan, Baionan ©Patxi Belzaiz

Ipar Euskal Herrian Alain Rousset buru, eta Diaz, bosgarren

Ekhi Erremundegi Beloki

Alderdi sozialistako hautagaiak eskualdeko bozen %28,65 lortu ditu. Batasun Nazionala ere bigarren itzulian izango da, eskualdeko bozen %18,2 lortuta; Euskal Herrian, baina, emaitza aski apalagoa du zenbatutako botoen arabera. Abstentzioa nehoiz baino handiagoa izan da.

Hauteskunde panel bat, Baionan. ©GUILLAUME FAUVEAU

Departamenduko eta eskualdeko bozak izanen dira gaur Iparraldean

Ekhi Erremundegi Beloki

Pirinio Atlantikoetako Departamenduko Kontseilu Nagusia eta Akitania Berria eskualdeko kontseilua hautatuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna