Albistea entzun

Arabako Errioxa da eskualderik aberatsena eta aldi berean txiroena

Arabako, Bizkaiko eta Gipuzkoako eskualdeen artean, biztanleko BPGrik handiena du, baina biztanleko errentarik txikiena. Industrialde handia duten herri txikiek dute biztanleko BPG handiena
Tamaina handiagoan ikusi

Iker Aranburu -

2020ko martxoak 13

Beste behin ere, Arabako Errioxa da eskualderik aberatsena, bere biztanleko BPGak ia-ia bikoiztu egiten baitu Arabako, Bizkaiko eta Gipuzkoakoa: 65.601 euroko BPGa du biztanleko, batezbestekoaren %194. Baina, berriro ere, Arabako Errioxa da hiru lurraldeetako eskualderik pobreena, biztanleko errenta 17.064 eurokoa baita, EAEkoaren %78. Hau da, eskualdean sortutako aberastasunaren zati handi bat ez dela banatzen hango langileen artean. Arabako Errioxaren kasuan, upeltegi askoren jabetza kanpokoa izateak azaltzen du aberastasunaren paradoxa.

Eustatek atzo eman zituen biztanleko BPGaren 2017ko datu xehatuak, eskualdeen eta udalen araberakoak. Estatistika erakundeak nabarmendu duenez, industria nagusi den herriek dute BPGrik handie na. Guztien artean handiena, azken urteetan bezala, Zamudiok (Bizkaia) dauka (446.429 euroko BPG biztanleko), hango parke teknologikoan enpresa asko eta oso garrantzitsuak daudelako (Siemens Gamesa, Euskaltel, ITP...).

Haren atzetik Olaberria dago (Gipuzkoa), 241.383 eurorekin. Arcelor Mittalen altzairutegiak eta beste enpresa handi batzuek (Hine, Carrefour...) sortutako aberastasuna herritar gutxiren artean zatitu behar da Goierriko herri horretan —953 biztanle besterik ez ditu—.

Hori da hirugarrenaren ezaugarria ere: Ajangizek (Bizkaia) 477 biztanle ditu, baina han du egoitza Maier kooperatibak. 215.759 euroko BPGa du biztanleko, batezbestekoaren %638.

Enkarterri, ahulena

Arabako udalerririk aberatsenak, Berantevillak, 169.674 euroko BPGa du biztanleko. Herri txiki horretan (453 biztanle) du egoitza Aernnovak. Arabako Ibarretan dago Berantevilla, eta biztanle gutxi ditu, baina lantegi handi batzuk biltzen ditu —Erriberabeitiko Talgo, esaterako—, eta, horregatik, hark du biztanleko BPGrik handienetan bigarrena, EAEkoaren %156. Baina Arabako Errioxari bezala gertatzen zaio, eta per capita errenta soilik %87 da han. Aberatsetan hirugarrenean, Gorbeia Inguruetan (Araba), orekatuagoa da egoera: biztanleko BPGaren %137 du, baina per capita errentaren %113.

Nahiko orekatua da egoera Gipuzkoan, 28 punturen aldea baitago eskualde pobreenaren —Bidasoa Beherea, %84— eta aberatsenaren artean —Debagoiena, %112—. Errentan, berriz, sei eskualdeetatik lau batezbestekotik gora daude.

Bizkaia, berriz, hiru lurraldeen arteko pobreena da: BPG per capita-ren %97 du, eta errentaren %95. Lurralde horretan dago bi parametroetan oso behera geratzen den eskualdea: Enkarterrik biztanleko BPGaren %54 soilik du, eta errentaren %80.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrantzale talde bat, hegaluzea Getariako portuan deskargatzen ©Juan Carlos Rui / Foku

«Kontrolik gabeko arrantza» hedatzen ari da euskal kostaldean

Jokin Sagarzazu

Sare pelagikoak erabiltzen dituzten kanpoko ontziak «ohiko» bihurtu dira, debekatuta egon arren. ELAk dio ikuskatzaileak falta direla.

Kiroldegi eta igerilekuetako langileak, goizean, Artican egindako elkarretaratzean ©@FSCNavarra

Kiroldegi eta igerilekuetako langileak greban dira Nafarroako hainbat herritan

Hodei Iruretagoiena

Piketeak eta elkarretaratzeak egin dituzte goizean, eta iluntzerako elkarretaratze bateratua antolatu dute, 19:00etan, Iruñeko udaletxe aurrean.

 

Pantailan erosoago

Pantailan erosoago

Iker Aranburu

Facebookekin, harreman birtualen sarea sortu zuen, eta orain, metabertsoarekin, errealitate birtualean beste urrats bat egin nahi du. Lobbyetan asko gastatzen du, Facebooken edukien kontrolari aurre egiteko.

Mark Zuckerberg, AEBetako Kongresuan egindako agerraldi birtual batean. ©MICHAEL REYNOLDS / EFE

Pantailan erosoago

Iker Aranburu

Facebookekin, harreman birtualen sarea sortu zuen, eta orain, metabertsoarekin, errealitate birtualean beste urrats bat egin nahi du. Lobbyetan asko gastatzen du, Facebooken edukien kontrolari aurre egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...