Noiz sortua: 2019-08-29 00:30:00

G7koen goi bilera Miarritzen. Ondorena

Laguntza juridikoa eman duen taldeak eskubide urraketa larriak salatu ditu

Legal Teamekoek jakinarazi dute 23 pertsona auzipetu dituztela protesta egitea egotzita, eta legez kanpoko prozedurak egon direla

Oihana Teyseyre Koskarat -

2019ko abuztuak 29

Kontragailurrak iraun duen bitartean, militantez eta abokatuz osaturiko talde batek bere gain hartu du partaideen defentsa kolektiboa. Legal Team dute izena, eta prebentzioa eta oinarrizko babes juridikoa ematea izan dute helburu. Protesten garaian, telefono bidezko zaintza egin dute atxiloaldian zirenen hurbilekoei laguntza emateko helburuarekin, eta, atzo jakinarazi zutenez, ehun afera segitu dituzte egun horietan. Azaldu dute 164 interpelazio izan direla eta horietarik ehun bat kasutan atxiloaldia izan dela —azken atxiloaldia astelehenean bukatu zen—. Horrez gain, esan dute sei pertsona espetxeratuak izan direla eta horietarik bat baldintzapean aske utzi dutela epaiketa egin bitartean. Momentuz, 23 pertsonak izango dute epaiketaren bat datozen asteetan —irailaren 9tik abenduaren 3ra arteko epean—. Taldeak erran du gehienak «molde prebentiboan» atxilotuak izan direla, «protestetan parte hartu gabe».

Legal Teamek salatu du justiziak «defentsa eskubideari traba larriak» ezarri dizkiola. Esaterako, hiru gazte alemaniar kartzelara sartu dituztela errepideko kontrol baten ondotik, eta bi eta hiru hilabete arteko zigorrak ukanen dituztela, «bortizkeriak egiteko sorturiko talde bateko kide izatea» egotzita. Defentsarako kolektiboak esplikatu du atxilotu bati baino gehiagori ukatu egin diotela abokatua bere kabuz aukeratzea —Legal Teamekoa izendatu arren—, eta norberak hautatu gabeko abokatua izendatu diola Poliziak. Kasu batzuetan, Legal Teameko abokatuak esku artean zituen atxilotu horien ordezkaritza bermeak —egoera pertsonala frogatzen duten agiriak—; baina, adierazi dutenez, «ofiziozko abokatuak ez ditu hartu nahi izan, eta bezeroaren defentsa dokumentu horiek gabe egin du». Atxiloaldian egondako batzuek salatu dutenez, Poliziak esaten zien Legal Team-eko abokatuak ez ziola telefonoa hartzen, eta, beraz, hobe zutela ofiziozkoa hautatu.

Babes juridikorako taldearen arabera, «abokatuen elkarteko buru lehenak Baionako prokuradorearekin harremanetan lan egin du, eta defentsaren eskubidearen urraketa larria da». Taldeko kideei iruditzen zaie «estatu polizial batera iristeko lehen urratsa» gainditu dela.

Jendarmeak itzultzaile

Bestalde, atxilotu batzuek adierazi dute itzultzaile gisa jendarme bat jarri ziola Poliziak. Legal Teamekoentzat, «legez kanpoko prozedura bat» da hori, eta zera aurreratu dute: egoera hori pairatu duten guztien kasuak baliogabetzea lortuko dutela abokatuek.

Atxiloaldi gehienak Hendaiako eta Baionako polizia etxeetan iragan dira. Esaterako, Hendaiako atxikitze zentroa hustu egin zuten atxiloaldiak bertan egin ahal izateko. Horregatik, Legal Teamekoen ustez, ez dira errespetatu atxiloaldietako legezko baldintzak: «Abokatuekin biltzeko gelan, esaterako, ez zegoen aterik, eta horrek modu larrian oztopatzen du defentsaren konfidentzialtasun eskubidea».

Oroitarazi dute Frantziako Justiziak neurri bereziak jarri zituela abian: Baionako Auzitegia prest zegoen egunero bostehun atxiloaldi egiteko, eta iragarri zuten epaiketak eguneko hogeita lau orduetan egiteko aukera izango zela. Kopuruak espero baino «apalagoak» izan dira, baina polizia operazio «neurriz kanpokoari» eta «Justizia-Polizia bikoteari» egotzi diote protesten urritasuna. Legal Team-ek adierazi du segituko duela «errepresioa jasaten dutenekin elkartasunez lan egiten», eta izan diren «eskubide urraketa guztiei» aurre eginen diela beraiekin lan egiten duten abokatuekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Aitor Esteban, Espainiako Kongresuan. ©Ballesteros / EFE

EAJk Madrili eskatuko dio malgutzeko hirugarren fasea

Berria

Hurrengo fasearen inguruko erabakiak autonomia erkidegoek hartu beharko lituzketela azpimarratu du EAJren Espainiako Kongresuko bozeramaile Aitor Estebanek. Haren ustez, alarma egoera berriz luzatzea onartuz gero, azken aldia izan beharko luke: «Ezin da gehiago luzatu».

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Eskubide Sozialen Gutunak deituta, aurreko astean Iruñean eginko protesta ©Iñigo Uriz (Foku)

Eskubide Sozialen Gutunak mobilizazioak iragarri ditu ekainaren 19rako

Jokin Sagarzazu

Herritarrak aktibatzea ezinbestekotzat jotzen dute, «aurreko krisien ondoren gertatutakoa» errepika ez dadin. Datozen egunetan emango dituzte zehaztapen gehiago mobilizazioaren inguruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna