EH Bilduk «beste era batera» jokatzeko eskatu dio Jaurlaritzari

Iriartek Azpiazuri jakinarazi dio «akordiorako borondatea» dutela, baina ezin dizkiotela aurrekontu berberak aurkeztu PPri eta EH Bilduri
Jaurlaritzako eta EH Bilduko ordezkariak, atzoko bileran.
Jaurlaritzako eta EH Bilduko ordezkariak, atzoko bileran. JAIZKI FONTANEDA / FOKU

Enekoitz Telleria Sarriegi -

2019ko uztailak 3
Ordubeteko bilera bat egin zuen atzo Eusko Jaurlaritzako Ekonomia eta Ogasun sailburu Pedro Azpiazuk EH Bilduko ordezkaritzarekin —Maddalen Iriarte eta Unai Urruzuno parlamentariek osatu zuten—. Horrenbestez, Azpiazuk amaitutzat eman du Eusko Jaurlaritzaren 2020ko aurrekontuen inguruan egindako lehen bilera sorta —PPrekin eta Elkarrekin Podemosekin bildu zen joan den asteazkenean—. EH Bildurekin egindako bilera horretaz, Maddalen Iriartek aurreratu zuen ez zirela aparteko «xehetasunen» inguruan aritu, «normala» den bezala, baina haiek Azpiazuri jakinarazi ziotela badutela «akordiorako borondatea», betiere haien «egiturazko» proposamenak aintzat hartzen badituzte: «Ez dugu argazki bat nahi; bide hori topatu nahi dugu».

Iriartek garbi utzi zuen Jaurlaritzak ezin dizkiola aurrekontu berberak aurkeztu PPri eta EH Bilduri, eta «kezkagarria» litzatekeela gobernuak kontuak egitea pentsatuz PPk babestuko dituela. «Ez da gauza bera kontuak egitea PPrekin akordio bat egingo duzula pentsatuz edo EH Bildurekin adostuko dituzula pentsatuz». Hori dela eta, «ateraldiak» albo batera utzi —Joseba Egibarrek asteburuan esan baitzuen aurrekontuen negoziaziorako tartea 30-50 milioi euro artekoa dela— eta «beste era batera» jokatzeko eskatu zion Iriartek Azpiazuri. «Gure jarrera duela urtebete izan genuen berbera da», adierazi zuen EH Bildukoak, eta argi utzi zuen kontuak ateratzeko ardura Jaurlaritzarena dela.

Azpiazuren balantzea

Pedro Azpiazuk ere mezu ezin argiagoa eman zuen orain arteko hiru bileren inguruan aritzean: alderdiei eskatu zien «mugatzeko» aurrekontuen markora, eta ez egiteko marko hori «kuantitatiboki, kualitatiboki eta eskumenen arloan» gainditzen duten proposamenak eta eskariak.

EH Bildurekin egindako bileraz, Ekonomia sailburuak esan zuen «itxaropentsu» dagoela, eta espero duela oraingo honetan «negoziazio erreal eta eraginkor» batera sartuko direla. Elkarrekin Podemosekin egindakoaz, aldiz, «beste jarrera batekin» ikusi dituela: «Oraingoz, borondate irmoa ikusi dut hiru alderdien aldetik». Dena den, aurrerantzean «gardentasunez» jokatzeko eskatu zien hiru alderdi horiei, eta ez ibiltzeko inor «nahasten». Azaldu zuen horregatik ari direla luzatutako kontuekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna