Albistea entzun

Autodefentsa feministaren aldeko aldarriak kalea hartuko du A-25ean

Protestak antolatu dituzte herri eta hiriburuetan, indarkeria matxistaren aurkako egunaren karira
Iruñeko manifestazioaren aurkezpena egin zuten atzo, Emakumeen Etxean.
Iruñeko manifestazioaren aurkezpena egin zuten atzo, Emakumeen Etxean. IÑIGO URIZ / FOKU Tamaina handiagoan ikusi

Ion Orzaiz -

2021eko azaroak 19

Indarkeria matxistaren aurka, baina ez era abstraktuan. Emakumeek pairatzen dituzten bortizkeria mota guztien kontra «amorruz oihu egitera» deitu dute Euskal Herriko hainbat eragilek eta talde feministak. Urtero bezala, manifestazioa eginen dute azaroaren 25ean, indarkeria matxistaren aurkako egunaren karira, Indarkeria matxistarik gabeko bizitza orain! lelopean.

Euskal Herriko Mugimendu Feministak gogorarazi du 2021. urtean gora egin dutela emakumeen eta LGTBIQ+ kolektiboaren aurkako erasoek: «Aurten, ofizialki, bost emakume erail dituzte Euskal Herrian, eta izugarria izan da etxeetan zein kalean pairatu dugun biolentzia. Ehunka eta ehunka dira LGTBIQ+ kolektiboaren kontrako eraso, gorroto diskurtso eta sexu joeragatik eta genero identitateagatik gertatzen diren bazterketak ere».

Hori dela eta, «autodefentsa feminista antolatu baten aldeko aldarria» egin dute: «Emakumeon bizitzak defendatzeko, ikasi ditugun arauak zalantzan jartzeko, indarkeria eta errealitate ezberdinei era indibidualean eta kolektiboan aurre egiteko». Zehazki, «kaleak hartzera» eta «espazioen jabe egitera» premiatu dituzte emakumeak. «Nazkatu gara beldurra izateaz; guk boteretze kolektiboaren aldeko hautua egiten dugu».

Izurriaren eragina

Nafarroan eginiko deialdian, berriz, COVID-19aren izurriak eta haren kudeaketak emakume askori eragindako kalteak nabarmendu ditu Indarkeria Sexistaren Aurkako Plataformak: «Dagoeneko baloratu dezakegu pandemiak guztiongan izan duen eragina: blokeoak, joan-etorriei ezarritako murrizketak, ziurgabetasun ekonomikoa, estresa, bakartzea... Eta berriro ere, emakumeok jasan dugu gogorren hori guztia», azaldu du plataformako ordezkari Ana Carmonak.

Indarkeria fisikoaz gain, baina, «eguneroko desberdintasunak» ere salatu nahi ditu mugimendu feministak: «Emakumeok jasaten ditugun indarkeria guztiak erauzi nahi ditugu: sexu indarkeria; indarkeria psikologikoa; pobretzen gaituen eta gure autonomia eragozten duen indarkeria ekonomikoa; gure seme-alaben edo maite ditugunen bidez gauzatzen den indarkeria bikarioa; eta gure gorputza kontrolatzen saiatzen direnen indarkeria medikoa eta obstetrikoa».

Administrazioen eta botere judizialaren rola ere kritikatu dute, «emakumeon segurtasuna bermatzeko ardura hartu beharrean indarkeria areagotzen dutelako». Horren aldean, «erakunde engaiatuak» galdegin dituzte. «Benetako» konpromisoa nahi dute: «Ez dugu nahi udal eta gobernuen aurreko elkarretaratze edo adierazpen instituzionalik; ez dugu nahi eduki eta aurrekontu esleipenik gabeko politika hutsalik, ezta ezer konpontzen ez duten promesa faltsurik ere». Horren ordez, «aurrekontu feministak» eskatu dizkiete erakunde publikoei; «kalitatezko hezkidetza» hezkuntzako alor guztietan; zerbitzu publikoak bermatzea; «zaintza sistema publiko eta integral bat» sortzea; «lan baldintzak eta kalitatezko pentsioak» bermatzea; eta hedabideek «morboz beteriko istorioak alboratzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Bildarratz Donostiako ikastetxe batean, ikasturte hasieran ©irekia

Eskola publikoetako zuzendariek baimena izango dute urtebetean eskolarik ez emateko

Irati Urdalleta Lete

Jaurlaritza ontzen ari den dekretu batean jaso dutenez, zortzi urte karguan egon ostean eskola publikoetako zuzendariek ez dute eskolarik eman beharrik izango urtebetean. Gainera, ikastetxean nahitaez egon beharreko ordutegia malgutuko diete, eta lehentasuna izango dute beste ikastetxe bat aukeratzeko.

Soraluzeko andrearen hilketa gaitzesteko elkarretaratzea, Elgoibarren. ©Jon Urbe, FOKU

Soraluzeko andrearen hilketa gaitzetsi dute dozenaka lagunek Elgoibarren

Julen Otaegi Leonet

Soraluzeko Udalak elkarretaratzera deitu du biharko, 19:00etarako.

COVID ziurtagiria, osalaritza negozio baten aurrean. ©Gorka Rubio / FOKU

COVID ziurtagiriaren luzatzea indargabetu du EAEko Justizia Auzitegi Nagusiak

Iñaut Matauko Rada

Herritar batek inpugnatu zuen COVID ziurtagariaren luzatzeko modua eman zuen dekretua, oinarrizko eskubideen babesaren arrazoiagatik, eta auzitegiak onartu egin du eskubideak urratzen zituela, «arin» bada ere.

Istripua izan duten ibilgailuak, ezbeharra gertatu berritan, gaur, A-1 errepidean. ©@trafikoaejgv

A-1 errepidea moztu dute Gasteiz parean, hainbat ibilgailuren arteko istripu bat dela eta

Berria

Hamar lagun zauritu dira ezbeharrean, eta larri daude horietako bi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...