Albistea entzun

EAEko hezkuntza legea

Ituna egokitzat jo arren, zehaztasun handiagoa galdegin dute ikastolek

Argi-ilunak atzeman dituzte euskararen alorrean, eta 'Euskal Herria' kontzeptua ez aipatzea txarretsi
Koldo Tellitu, Ikastolen Elkarteko burua, ikasturte hasierako ekitaldian.
Koldo Tellitu, Ikastolen Elkarteko burua, ikasturte hasierako ekitaldian. ARITZ LOIOLA / FOKU Tamaina handiagoan ikusi

Ion Orzaiz -

2022ko apirilak 1

Ados, baina ñabardura batzuekin. Ikastolen elkarteak «egokitzat» jo du Euskal Autonomia Erkidegoko hezkuntza ituna, «ikastolen behar eta nahi guztiak asetzen ez dituen arren». Hitzarmenean jasotako neurri asko «norabide onean» doazela uste dute ikastolek, baina zehaztasun falta eta, are, kontraesanak atzeman dituzte beste zenbait puntutan.

Euskararen alorrean, adibidez, ikasleek eskuratu beharreko hizkuntza gaitasuna zehaztu izana txalotu du Ikastolen Elkarteak, ohar baten bidez adierazi duenez: «Lehen Hezkuntza amaitzean ikasleek B1 maila izango dute gutxieneko helmuga bi hizkuntza ofizialetan, eta B2 maila DBH amaitzerakoan. Guretzat, neurri garrantzitsua da, eta ikastolen aldarri historikoa ere bada». Horretaz gain, hitzarmenean «eredu inklusibo orokortua» jaso izana ere begi onez hartu du erakundeak, «ikastetxeek euskara lehenetsi beharko dutelako».

Hala ere, itunean «hizkuntzen tratamendu integratuari» eginiko aipamenak kezkaz hartu dituzte ikastolek, aurreko puntuari kontra egiten diotela iritzita: «Euskara ardatz duen sistema horretan, zehaztu beharko dira ardatz izatearen ezaugarriak [...]; alegia, euskarak izan behar du ikas-irakaskuntza prozesuetako hizkuntza, eta horrek legean bere isla izan behar du». Are: ikasleen hizkuntza gaitasuna lortzeko «zehaztapenak definitu» behar direla gaineratu dute.

Hezkuntza itunduaren finantzaketari dagokionez, Ikastolen Elkarteak uste du «aurrerapena» dela Euskal Hezkuntza Zerbitzu Publikoaren sorrera eta, bertan sartu ahal izateko, «ikastetxeek bete behar dituzten konpromisoak eta baldintzak hitzarmenean jasota egotea». Zerbitzu publikoan izanen diren ikastetxe guztiek «eskubide eta betebehar berak izateko» eta «doakotasun erreala ziurtatzeko» ideiekin ere bat egin dute ikastolek. Egutegi eta kronograma bat galdegin dute, zehazteko noiz eta nola ezarriko den finantzaketa modu berri hori.

Eskola segregazioa da Ikastolen Elkarteak nabarmendutako beste alorretako bat. Zehazki, hezkuntza itunean jasotako proposamenak txalotu dituzte oharrean, «aitzindariak eta anbizio handikoak» direla iritzita, eta prest azaldu dira «hezkuntza komunitatean elkarrizketa aktiboko prozesu bat bultzatzeko, 2023an eskola segregazioaren aurkako itun bat lortzeko helburuarekin».

Hutsunea, herri ikuspegian

Hezkuntza itunean jasotako neurrien artean, baina, «hutsune handi bat» atzeman du erakundeak: «Euskal Herriaren aipamena falta zaio». Ikastolen aburuz, Euskal Herria kontzeptua «euskararen herria baino askoz gehiago» ere bada: «Izaera, kultura, hizkuntza, balio eta nortasunarekin lotzen da, eta, nahiz eta agerikoa izan EAErako lantzen den lege baten inguruan ari garela, oihartzun bat izan beharko luke legean». Horregatik, Euskal Herria lantzeko deia egin du Ikastolen Elkarteak, «lurraldetasunaren ikuspegitik bezala, baita ikuspegi soziolinguistiko, kultural eta ekonomikotik ere». Proposatu dute, besteak beste, «susta daitezela harremanak, sareak eta proiektuak Euskal Herrian dauden ikastetxe guztien artean», elkarlanaren bitartez, «hezkuntza sistema propio bat Euskal Herri osoan eraikitzeko» xedearekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Poliziak, gaur goizean, Getxoko Itzubaltzeta auzoan. ©Marisol Ramirez / FOKU

Getxoko Itzubaltzeta auzoko Nagusien Etxea hustear da Ertzaintza

Berria

Hainbat lagun bertaratu dira hustu ez dezaten exijitzera. Espazio hori erretiratuentzako eremu bat da egun, eta euskaltegi bat ere badu.

Haur jaioberri bat, artxiboko irudi batean ©Berria

Duela bost urte baino %25 haur gutxiago jaio dira lehen seihilekoan Hego Euskal Herrian

Irati Urdalleta Lete

Iaz baino %2,4 haur gutxiago jaio dira aurten urtarriletik ekainera.

Indarkeia matxistaren aurkako protesta bat, Getxon, artxiboko irudian ©berria

Algortako mugimendu feministako bi kide ikertzen ari dira desobedientzia delitu larriagatik

Irati Urdalleta Lete

Algortako Portu Zaharreko jaietan ziztatu egin zutela salatu du neska batek. Ertzaintzaren arabera, ez zioten utzi neska artatzen; mugimendu feministako kideek ziurtatu dute ertzainekin adostu zutela nola jokatu. Prentsaurrekoa egingo dute 18:00etan; herritarrei bertaratzeko eskatu diete.

Osasun langile bat koronabirusa antzemateko test bat egiten, Nafarroan. ©JAGOBA MANTEROLA / FOKU

Koronabirus datuak gero eta hobeak dira Nafarroan

Iñaut Matauko Rada

Azken astean 353 kasu positibo antzeman dituzte: joan den astean baino %52 gutxiago. Lau astez jarraian behera egin du intzidentzia metatuak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...