Albistea entzun

300dik gora migratzaile heldu dira Balearretara hiru egunean

Urte hasieratik, 152 pertsona hil dira Afrika iparraldetik Espainiara eta Herrialde Katalanetara iristeko ahaleginetan
Joan den ostegunean Lanzarotera heldutako migratzaile talde bat.
Joan den ostegunean Lanzarotera heldutako migratzaile talde bat. JAVIER FUENTES / EFE Tamaina handiagoan ikusi

Erredakzioa -

2021eko urriak 19

Orotara, 352 migratzaile zeramatzaten 29 ontzi iritsi dira Balearretara larunbataz geroztik. Herrialde Katalanetara ez ezik, Espainiara ere hainbat patera heldu dira asteburuaz geroztik. Murtziara 118 pertsona heldu dira, hamar txalupatan, tartean 11 adingabe. Guztiak dira aljeriar jatorrikoak, eta, iturri ofizialen arabera, osasunez ondo iritsi dira Espainiako kostaldera.

Guztiek ez dute izan zorte bera. Erreskate taldeak lanean ari dira oraindik, joan den ostegunean hondoratutako ontzian zihoazen iheslarien bila. Barbaten izan zen ezbeharra, Cadizko kostaldetik gertu. 28 lagun zihoazen ontzian, eta horietatik hamarren gorpuak aurkitu dituzte, azken biak atzo bertan.

Ostegunekoa ez da izan, hala ere, azken egunetako ezbehar bakarra. Kanaria Handira ere hainbat ontzi iritsi dira azken astean. Horietako batean, 45 pertsona zihoazen. Gurutze Gorriak zabaldu duenez, astebete zeramaten itsasoan noraezean. Ontzia 45 lagunekin irten zen, baina soilik 44 iritsi dira bizirik, tartean hainbat adingabe. Almeriatik gertu, berriz, desagertutako hamabi lagunen bila ari dira oraindik salbamendu taldeak.

Itsasoz ez ezik, Espainiaren menpeko Ceuta eta Melilla hiri autonomoak eta Maroko banatzen dituzten hesia zeharkatuz ere sartzen dira migratzaileak Europako Batasunaren kontrolpeko lurretara. Espainiako Barne Ministerioaren datuen arabera, Ceutara %284 migratzaile gehiago iritsi dira aurtengo urtarrila eta urria bitartean.

Heriotzei dagokienez, 152 pertsona hil dira itsasoan. Andaluziako Giza Eskubideen Aldeko Elkartearen arabera, 1998tik 10.000 pertsona inguru hil dira itsasoan, eta iazkoa izan zen urterik okerrena, 1.717 hildakorekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANGEL MADINA G. / EFE

«Deskolonizazioaz ari ote garen argitu behar du NBEk»

Arantxa Elizegi Egilegor

«Nazioartearen babespean» ezkutatzea leporatu dio Arabik Espainiari. Polisarioko kidearen esanetan, Madrilek «erantzukizun politiko eta juridikoa» du gatazkan.
Erizain bat Covaxin txertoaren dosiak eskuetan dituela, Bangaloren, Indian. / ©JAGADEESH NV / EFE

5.200 miliioi dolar eskatu dituzte COVAX programarako

Arantxa Elizegi Egilegor

Nazioarteko egitasmoak mila milioi dosi banatu zituen iaz herrialde pobreetan. Aurten beste hainbeste egitea dute helburu.

Txileko Poliziako agente bat manifestariei tiro egiten, 2019ko urriko mobilizazio batean. ©EFE

Boricek eskatu du Txileko eztanda sozialean atxilotutakoen kartzelaldia bukatzeko

Igor Susaeta

Senatuko batzorde batek onartu du 2019ko udazkenetik atxilotuta daudenei indultua edo amnistia ematea. Piñera presidentea kontra agertu da. Aurrera egiteko, kongresuko bi ganberek onartu beharko dute.

Boris Johnson Erresuma Batuko lehen ministroa, gaur, Komunen Ganberara bidean. ©Andy Rain / EFE

Boris Johnson: «Festen ikerketaren ondorioak jakin arte itxaron behar dugu»

Ander Perez Zala

Erresuma Batuko lehen ministroa oposizioaren kritikak saihesten saiatu da pandemian emandako aurrerapausoetan arreta jarrita. Zenbait diputatu kontserbadore hasiak dira babesak biltzen gobernuburua kargutik kentzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.