Albistea entzun

HITZ ETZANAK

Hiztegia

Andoni Egaña -

2021eko uztailak 27

Espainiarrak laugarren zihoazen. Herbehereetakoak hirugarren. Olinpiar Jokoetako emakumezkoen estropada binaka. Telebista espainiarrean ohiko esatariaren laguntzaile emakume bat. Berria zen lantegi horretan. Urduri zegoela antzematen zitzaion. Eta halako batean hala bota zuen: «Bi lehenengoak oso urruti daude, baina nik uste dut hirugarren doazenak harrapatuko ditugula, zerak... neandertalak». Esan orduko ohartu zen. Barkamena eskatu zuen. Jakinaren gainean zegoen nonbait orain «holandesas» ezin dela esan eta, «nederlandesas» edo esaten hasita, tronpatu egin zen.

Olinpiar Jokoak. Emakumeen errepideko txirrindularitza proba. Inondik ere espero ez zen txirrindulari bat, Anna Kiesenhofer, proba irabaztear da. Hasiera-hasieratik sartu da ihesaldi batean eta buruan bukatu behar du. Esataria, gizonezkoa, ez da berria eta ez dago bereziki hunkitua. Austriarraren balentriaren berri ematen hasita, gazteleraz, bazuen hainbat esamolde eskueran: «Auténtica hazaña», «verdadera heroicidad»... Baina beste bat hautatu zuen: «Gran machada». Ez zuen deus zuzentzeko premiarik sentitu. Ez zuen barkamenik eskatu.

Gaur, estropadan esatari izan zenak hanka sartu izanaren harra ibiliko du barruan. Txirrindularitza esatariak, aldiz, arra baino ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna