Atzo iluntzean bazen berri bat/ ozenki ematekoa, «Iruñeara omen zoazte?»/ galdera bat-batekoa. Gehientsuengan sorpresa ez zen/ poza zen hainbatekoa, ta nire baitan pentsatu nuen:/ «jo dugu danbatekoa!».
2005 katigatu zen/ nire oroitzapenetan, batzuk ez zuten konfiantzarik/ Barakaldo ta BECetan. Jarri ez arren, giputxzentrista/ zeramatenak kopetan, bekozkoz joan zirenak ere/ irribartsu ziren bueltan.
Gu emozio trafikantetzat/ hartu gintuzten unean, pentsatu nuen zerbait gehiago/ bagenula garunean. Nahi dugunaren bila grinatsu,/ ginenaren izenean... oraingoan bai joko dugula/ bihotzera zuzenean.
Manolo ziur saltoka hasi da/ berria zela bitarte, Arozamena ta Madariagak/ ere hartu dute parte. Bi Estitxu ta Bittor bera ere/ ez zebiltzan hain aparte, soka dantzatuz, alde banatan,/ Xalbador eta Lasarte.
Txapelketa bat beti da baina/ bai lehia ta bai sesio, irabazle nor izango ote?/ jendeak ze ilusio. Biharamunez hedabideetan/ nik titular hau desio: «Hizkuntza batek gainditu ditu/ hiru Administrazio!».
Edukierari dagokionez/ zer arraio!, minus gehi da, gerora ere baietz mugitu/ kokapen berrien deira. Geure baitako mugak apurtuz/ nola printzatzen den beira... Sariketak non jokatzen ziren/ gerratik hirurogeira?
HITZ ETZANAK
Hankaluzeak
Iruzkinak
Ez dago iruzkinik
Ordenatu