Albistea entzun

BIRA

Virginia Woolf

Onintza Enbeita -

2023ko urtarrilak 25

Gaur bezalako egun batez jaio zen, eta handik 59 urtera, martxoaren 28 batez salto egin zuen errekara, poltsikoetan harriak sartuta. Ez dut uste institutuan hari buruz hitz egin zidatenik, nahiz eta letretakoa izan. Ez diot inori errurik bota nahi. Selektibitatea gainditzeko Espainiako literaturan jantzi gintuzten. Euskarazko literaturarik ere apenas irakatsi ziguten, egia esan; beraz, ingelesezkoan sakontzea gehiegitxo izango zela pentsatzen dut, distantziatik begira. Adinean gorantza noala gomendatu zizkidaten haren liburuak, eta idazle ona izan zela iruditzen zait. Hari esker ikasi nuen guztiok behar dugula gela bat geurea. Eta berdin dio fisikoki gela hori falta bazait, sinbolikoki beti behar dut leku bat neurea baino izango ez dena. Edo momentu bat neure buruarekin topo egiteko balioko didana: neuretzat barre, negar, hausnar, jan zein salto egiteko. Norberarentzat espazioa eta denbora izatea garrantzitsua da.

 

Ez dut uste literaturaren historiak behar adina leku egin dionik, baina haren figurak askotarako ematen du. Metaforetatik eta idazkeratik harago, buruko gaixotasunekin bizitzeak dakarren nekea ere badago haren testuetan.

Urte asko pasatu dira Virginia Woolfek errekara salto egin zuenetik, baina oraindik ere emakume askori falta zaie leku bat munduan. Eta oraindik ere tabua dira buruko gaixotasunak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...