Albistea entzun

BIRA

Beherago

Onintza Enbeita -

2021eko azaroak 30

Azokara etortzen zaizkigun bezero guztiak ez dira berdinak. Askok maitasunez hitz egiten digute, konfiantzaz erosten dute saltzeko daukaguna: sinistu egiten dute lurraren zaintza egokian. Beste asko gauza onen bila etortzen dira eta kito. Ordea, badaude adarra jo nahi izaten digutenak ere. Erregateoa beti egon dela esaten dutenekin eztabaidatzeko ez dut gogorik; are gutxiago, ezarritako prezioan saltzea ez dela azoka esaten dutenekin. Etxe bat erosi nahi dugunean dirutan joaten gara bankura eta ematen digutena sinatzen dugu, autoari gasolina botatzen diogunean esaten digutena ordaintzen dugu, eskatzen digutena ordaintzeko beharragatik joaten gara arropa erostera ordaindu ditzakegun gauzak dauden dendetara, supermerkatu handietan esaten dutena ordaintzen dugu, garagardoak tabernariak ezarritako prezioan ordaintzen ditugu, ile-apaindegian ordaindu egiten dugu... Orduan, zergatik erregateatu behar dugu azokan?

Bada, gizarte klasista samarra garelako, eta ustez gu baino gutxiagotzat ditugunen gainetik jartzeko beharra dugulako. Eta baserritarren gainetik jartzea errazagoa delako beste batzuen gainetik jartzea baino. Ordea, ez diguzue mesede bat egiten gure postura zatoztenean: guk saldu egiten dugu eta zuek erosi. Ez zaudete gu baino beherago, baina gorago ere ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.