Albistea entzun

HITZ ETZANAK

Itsasoa

Andoni Egaña -

2022ko urtarrilak 21

Kanpotarra zen. Nor ez dut gogoan, hori baita gutxienekoa. Reala entrenatzera etorria, Donostian hilabete batzuk eman ondoren elkarrizketa batean ea hirian gehien zerk harritu zuen galdetu zioten. Ezustean harrapatu ninduen erantzunak. Ez zuen Kontxa aipatu; ez zuen aipatu Aquariuma, ez Oteitza edo Txillidaren artelanik; ez zuen belarririk euskararentzat. Taberna-zoluak aipatu zituen. Harriturik geratu omen zen lehen aldiz Parte Zaharreko taberna batean sartu eta zolua zotzez, paperezko ezpainzapi ximurtuz eta gainerako hondakinez betea sumatzean.

Ez zen, jakina, tabernarien kuxidade faltaz ari. Gutaz ari zen. Bezeroez. Guri erabat arrunt gertatzen zaigun horrek atzerakoa eragin zien arrotz-begi haiei. Ez zitzaion buruan sartzen nola zitekeen...

Ezustean harrapatu ninduen, halaber, gure herriko estolda-zuloen azaleran udalak jarritako esaldiak. Kalean nenbilen, eta hondartzatik laurehun metrora nengoen estrainekoa ikusi nuenean. «Itsasoa hemen hasten da». Zer? Nola hemen hasten dela itsasoa? Tokitan dago! Segundo batzuk behar izan nituen erreakzionatzeko. Ideia ona iruditu zitzaidan. Akaso, soberan egotekotan, ondorengo esaldia dago soberan: «Mesedez, ez ezer bota». Geuk atera behar genuke ondorioa inoren erreguen zain egon gabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...