Albistea entzun

HITZ ETZANAK

Sei sardina

Andoni Egaña -

2022ko ekainak 18

Hitz lauz azaldu behar nuen bertsoaren testuingurua lehenik. Txirrita, anaia eta gurasoak otordu bat egiten ari zirela, sardina zaharrak. Eta amak partila egin ondoren, Txirrita mutikoa kexatu egin zitzaiela gurasoei banaketa moduarengatik. Eta Txirritaren bertsoa kantatu behar nuen gero: «Gure etxean sartu dira sei sardina, nik ez det topatutzen justizi berdina, guretzako bana eta zuentzako bina, gutxienez behar gendun bana ta erdina». Sei urte nituen aitona zenak bertsoa irakatsi, buruz ikasi, eta Cinema frontoiko ezker pareteko pilota maluten artetik kantatu nuenean. Ez dakit zer esaten ari nintzen guztiz ulertzen nuen ere. Baina itsatsita geratu zaizkit doinua, neurria, errimak, zenbaki osoak, dezimalak, Txirrita, gosea...

Euskal kulturaren transmisioa hezkuntzan bermatu beharraren kezka eta premia larriak dira. Hau da unea. Etxeak, kaleak, aisiarteak... deus bermatzen ez badigu, irakaskuntza arautuari eskatu beharko diogu, baina horretarako behar diren baliabideak jarriz.

Iratxe Retolaza literatur kritikari eta EHUko irakasleak esan berri du: «Matematikan erabil dezakegu bertsolaritza, ariketak egiteko». Txirritaz akordatu naiz. Eta sei urte nitueneko garaiaz. Aitor dezadan egia: txarra naiz matematiketan. Baina kalkuluan, ona...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...