Noiz sortua: 2019-09-26 00:30:00

HITZ ETZANAK

Ostatua

Andoni Egaña -

2019ko irailak 26
Luise Rainer aktore alemaniarra, aste honetan puri-purian dabiltzan bi berrik, Donostiako Zinemaldiak eta Francisco Francoren gorpuak, topo egiten duten lekua. Bazen norbait Luise Rainer. Besteak beste, bi Oscar sariren jabe, Espainiako Gerra Zibil garaian beti, eta modu aktiboan, azaldu zuen Errepublikaren aldeko jarrera.

Ezaguna da 1986an gertatua. Zinemaldiak gonbidaturiko izarretariko bat zen Luise Rainer. Antolatzaileek Aieteko jauregia ostatu gisara erabiltzea pentsatu zuten. Han egin zioten lekua Luiseri. Honek, ordea, jauregi hura Francoren egoitza izan zela jakin zuenean ez zuen bertan minutu bakar bat ere igaro nahi izan. Beste ostatu batera eraman zezaten eskatu zuen, apalagoa bazen ere. «Ez dut Franco bizi izan zen leku berean egon nahi. Jauregian sartzean tristurak irentsi nau». Pentsa urteotan zein sufrikario izan duten Erorien Haranean hobiraturiko milaka errepublikazaleren ondorengoek!

Ehun eta lau urtez bizi izan zen Luise Rainer. Medikuei jaramon handirik ez egitean zetzala bere bizitza luzearen sekretua esan zuen behin. Duela berrogeita lau urteko udazken hartan nazka-nazka egin ginen «ohiko mediku taldearen» parteak entzuten. Ez zen sekula hiltzen Franco. Ia ehun eta bost urte harrapatu zituela iruditu zitzaigun...

Albiste gehiago

Martxoaren 29an eguneratua, 14:00etan. ©BERRIA

Koronabirusaren azken datuak

Berria

Euskal Herrian 7.773 gaixok eman dute positibo koronabirusaren proba eginda, administrazioen arabera. 350 hil dira. COVID-19 gaitza izandako 1.528 pertsonari eman diete alta. Grafikoak, albiste barruan.

Urkullu, atxiboko irudi batean. ©Juanan Ruiz / Foku

Madrilek entzungor egin dio Urkulluren eskaerari

Berria

Eusko Jaurlaritzako lehendakariak gutun bat bidali zion atzo Pedro Sanchez Espainiako presidenteari, eta eskatu zion autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak. Maria Jesus Montero eledunak erantzun dio Madrilek ezin dituela "desberdintasunik egin" erkidego autonomoen arabera.

Mapa: koronabirusaren zabalpena herriz herri

Mapa interaktiboak: koronabirusaren zabalpena herriz herri

Berria

Koronabirusak Hego Euskal Herrian zer nolako zabalpena duen ikus liteke administrazioek emandako datuekin BERRIAk sortu duen mapa honetan. COVID-19aren bilakaera grafikoetan.

Arnaldo Oregi, artxiboko irudi batean. ©Jon Urbe / Foku

Madrilen neurriak "berandu" heldu direla esan du Arnaldo Otegik

Edu Lartzanguren

Alderdi, sindikatu eta enpresaburuen mahai bat eskatu du, krisitik ateratzeko estrategia bat eratzeko, eta langileek ez ditzaten kalteak ordaindu

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna