BIRA

Che

Onintza Enbeita -

2018ko urriak 9
Hari buruz ia dena dakigu, baina den-dena ez. Liburuetan irakurri dugu non jaio zen eta noiz hil zuten, eta badakigu Kubako iraultzara mediku lanetara iritsi zela, baina gero han armei heldu ziela. Fidel Castroren ondo-ondoan egon zen iraultza osteko lehen urteetan. Ez zen irlan kabitzen, ordea, eta Boliviara joan zen han ere iraultza egiteko asmoz. Han hil zuten, gaur bezalako egun batez, Che Guevara.

Ez diot haren lanari ezer kendu nahi, baina ez dakizkigun datuek kezkatu egiten naute. Hala ere, ez dakit ezkutatu digutena jakin nahi dudan ala ez. Ez dakit jakin nahiko nukeen zenbat neska jarri zituen hormaren kontra Hego Amerikari buelta eman zionean, edo zenbat baserritarri altxatu zieten gona Sierra Maestran gora eta behera zebilenean, edo zer esango zuen haren emazteak ume haiekin guztiekin etxean gelditu zenean senarra Kongora eta Boliviara zihoan bitartean, edo zergatik ez zuten neskarik jarri iraultzaren lehen lerroetan, edo zein lanetara baztertu zituzten emakumeak lehen ministerio haietan...

Gizon handiak ere bizi izan duten garai historikoaren arabera kokatu behar genituzke gure buruetan, liburuetan, anekdotarioetan. Eta jakin badakigu gizonik handienek ere erabili egin dituztela euren kontestu historikoak eskaini dizkien pribilegioak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna