BIRA

Popatik

Onintza Enbeita -

2020ko irailak 18

Ez dut nik esango Samuel L. Jacksonek euskaraz egitea polita ez denik. Dena den, gure hizkuntza zapalduta eta gutxietsia egotea ez da nahikoa arrazoi inoren minarekin pozteko. Jacksonek bidal zezakeen Trump antzarak ferratzera, haizea hartzera, pikutara, infernura, desertura urik gabe, txakurrari arkakusoak kentzera... eta hala ere, popatik hartzera bidali du. Eta guk pozik egon behar derrigor; mesede bat egin baligute bezala. Ukaezina da gure hizkuntza mapan kokatu duela Jacksonen keinuak, baina euskarak ez du homofoboa izan behar. Euskarak, gure hizkuntza den neurrian, gure mundu ikuskera definitzen du, eta horrek ez luke matxista, supremazista, klasista... izan behar.

Ez, popatik hartzea eta ematea ez dira gauza txarrak. Aitzitik, gauza ederrak direla iruditzen zait. Kontua da sozialki gaizki ikusten direlako bidaltzen dugula jendea horretara. Zerbait txarra desio diogunean esaten diogu jendeari popatik hartzera joateko, eta horrek erakusten du zein esapide homofoboa den. Horregatik pentsatzen dut Jacksonen laprastada ez duela euskarak salbatzen.

Badakit gure hizkuntzarentzat oxigeno dosi guztiak direla beharrezkoak, baina kasu honetan ezin dut pozez lehertu. Euskarak eraiki nahi dugun mundu anitza esplikatzeko balio behar digu, eta ez daukaguna betikotzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna