Albistea entzun

BIRA

Indarkeria

Onintza Enbeita -

2021eko azaroak 25

Ikusi gabe ere badakit instituzioak, politikariak, ikastetxeak, lantegiak... aterako direla gaur kalera. Nork onartuko du gaurkoa bezalako egun batean bikotea gutxietsi egiten duela, edo bere lankidea baino aukera hobeak dituela, edo ikasle batekin oheratzeko erabili zuela haren gaineko boterea, edo seguru ez zegoen neska hari sartu egin ziola, edo kazetari batek elkarrizketatu zuenean haren itxuraren gaineko balorazioa egin zuela inork eskatu gabe bere indarra erakustearren bakarrik, edo ez duela ahaleginik egin historiak isildu dituen emakumeen berri izateko? Gaur, horren guztiaren kontrako eguna da. Emakumeen kontrako indarkeriaren kontrako eguna. Jarri egin behar zaio izen hori egun bati! Indarkeria matxistaren kontrako eguna esatea askoz ere errazagoa denean, eta askoz ere hobeto ulertzen dugunean esaten ari garena. Gauzei izenetik deitzeko baino instituzio eta gizarte egitura koldarragoak ditugu, eta gu, aluarekin jaio ginenok etengabe gaude indarkeria egoeretan. Eta etengabe estaltzen dugu maite edo ezagutzen dugun gizonen bat geure buruari hainbesterako ez dela izan esanda. Benetan, ez digu inporta gaur ez baduzue pankartaren atzean egon nahi: urte guztian gure gainetik pasatzen saiatzeari uzten badiozue mundua bizitzeko leku hobea izango da guztiontzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.