Albistea entzun

HITZ ETZANAK

Lasterka

Andoni Egaña -

2022ko azaroak 15

Ez eramateko erlojurik aholkatu zioten. Ez zuen asmorik. Aholkatu zioten ez pentsatzeko etengabe lasterraldian, entretenitzeko burua bestelako pentsamenduekin. Korrika egitera irteteko tartetxo bat harrapatzen zuenean ez zuen besterik egiten. Aholkatu zioten ez berotzeko jendearen txaloekin, horrek erritmoa bizitzera eramango zuela, eta erritmo bizkorregiak, hondamendira. Bazekien bera txalo batzuk gorabehera ez zela hunkituko. Pandemian hunkitu egiten zen hasieran leiho-balkoietakoekin. Beraientzat ziren! Denborarekin, ordea...

Urdanibia. Bero egiten du. Baina iluntzean hozten hasi du. Eta umeari bodya txiki geratu zaio. Askotan esnatzen da kortxetea irekita eta giltzurrunak bistan dituela. Hortik datorkio katarro atorrantea. Gaintxurizketa. Bihar bertan joango da body pare bat erostera. Baina noiz? Goizeko txanda du. Kaputxinoak. Amaginarrebari eskatuko dio umearen urtebetetzerako bodya oparitzeko. Irtenbide erraza bientzat. Kursaala. Helmuga.

Begiratu dio denborari baina ez lagun artean erronkan aritzeko. Ez da Parte Zaharrera joango pintxoak jatera. Ondoegi ezagutzen du. Titia han hartu zuen. Ez da Kontxan bainatuko. Ez da bazkaltzera sagardotegira joango. Baina bodyarena konpondu du. Behobia bizitzeko mila modu daude...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...