Noiz sortua: 2020-04-03 00:30:00

BIRA

Desobedientzia

Onintza Enbeita -

2020ko apirilak 3

Ezin gara baratzera joan. Hala esan dute: baserritik bizi direnak edo jarduera profesionala dutenak bai, besteak ez. Zer izango da hurrena? Ganadua gosez hil dadila eskatzea? Gure behiek jan egiten dute guk jarduera profesionalik ez badugu ere, eta haientzat belarra mozteko baimena eskatu behar al dugu? Bai, pentsua eros daiteke. Horretara iritsi nahi nuen, hain zuzen ere: azkenean, etxerako ekoiztea debekatuko digute dena kanpoan eros dezagun. Eta badakigu hori norentzat den ona.

Garai gogorrak dira erromantizismorako. Baserrian bizitzea pribilegioa bihurtu da bat-batean, baina kontuz! Autoritateak ez du emoziona gaitezen nahi: kalekoek baino metro karratu gehiago ditugu, baina alferrik galtzen utzi behar ditugu. Izan ere, udan ezer jaso nahi duenak, orain du lanerako garaia, baina ezin du lurrik ondu.

Barkatuko didate gure agintariek, baina ez daukat obeditzeko asmorik. Confebask ekonomiaren martxan ibili beharraz ari zait, eta nik ezin dut patatarik erein? Ez daukat gure ortua belarrez eta sasiz bete arte begira egoteko asmorik. Eta ez daukat ortuan nabilenean ezkutatzeko gogorik ere.

Berdin dit munduak ekonomiaren oinetara makurtzeko asmoa baldin badu, edo gure agintariak zoratu egin badira: ekoizten jarraituko dugu. Etxerako, auzorako, nahi duenarentzat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna