Albistea entzun

HITZ ETZANAK

Hondartzan

Andoni Egaña -

2021eko ekainak 30

Hondartzara joan behar zutela esan zionean ez zion aparteko erantzunik eman. Argudio batzuk pilatzen saiatu zen. Eguraldi txarra egin duela azken hamar egunean eta ostarteak baliatu ezean damutu egingo zirela gero; giro goxoa zegoela, ez hotz eta ez bero, eta brisa pixka bat bazebilela; eramango zutela toalla bat bertan lasai etzateko, hondarra amorragarri zitzaiola bazekiela eta; eramango zutela baloi bat ere egonean aspertzen zirenerako... Ez zuen hondartzarako pozik azaltzen, eta handik aurrera «maitia» erantsi zion esaldi bakoitzari, argudioei zama emozionala itsatsiz: «jateko zerbait ere eramango dugu, maitia»; «eta bainatzen utziko dizut, maitia, jan eta bi ordu baino lehen ere»; «musukorik gabe egoteko aukera izango dugu, maitia»; «bueltakoan, hain gustuko duzun trufa-izozkia erosiko dizudala hitzematen dizut, maitia»; «maitia, ez niri bekozko hori jarri, oporretan zaude eta!».

Azkenean konbentzitu egin zuen nonbait. Biak joan ziren hondartzara. Argazkietan, Zarauzkoan ikusi ahal izan ditugu. Emakume bat, eta pelaje pinttodun txerri-koxkorra.

Tolerantziaren definizioa: edonon dela, dela edonoiz, horrek ere botoa emateko zuk adinakoxe eskubidea duela onartu, eta defendatzea. Emakumeaz ari naiz, jakina, ez txerriaz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.