Albistea entzun

BIRA

Salda badago

Onintza Enbeita -

2019ko urriak 30

Dena prest dago, zein goxoa den... bizitzak emandako plazer txiki hauengatik ez balitz. Hala kantatzen zuen Hertzainak-ek Salda Badago. Eta susmatzen genuen Gari gazte hura ez zela gure amamek egiten zuten barazki saldaz ari. Asteburu honetan Durango osoa izango da salda feministarentzat lapikoa, eta susmatzen dut feministok ere ez garela amamak egiten zigun salda beroaz ari. Edo bai; horretaz ere bai, baina ez horretaz bakarrik. Amamak ahaztu gabe ilobei bidea egitea da asmoa: zirenengatik, garenongatik eta izango direnengatik.

Izan ere, teoria politiko oso bat izatetik harantzago, feminismoa bide bat izan da gutako askorentzat. Agertokira igo ginenean gertatu zitzaizkigun gauzei izena jartzen asmatu du feminismoak, eta horrek lagundu digu ulertzen ez gaudela erotuta: benetan baztertu edo zapaldu gaituztela. Bide bat egin dugu, feminismoari esker, egiten duguna egiteko baimenik ez diogula inori eskatu behar sinetsi arte.

Emakume askok urratu zuen bidea gure aurretik, eta asko ari dira guk moztu ez genituen sasiak mozten. Eta salda ezin hobea da denon artean prestatzen ari garena. Eman al diezadake bizitzak plazer txiki handiagorik zuekin denokin eztabaidatu eta konspiratzea baino? Bada, ez.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...