Albistea entzun

EKOGRAFIAK

Barre eragileak

Amaia Garcia -

2022ko otsailak 22

Emakumeek barre eragiteko dugun gaitasuna askotan zalantzan jarri da. Aurreko urtean Madrilgo Chocita del Loro-ko buruek emakumeek komedia egiteko maila baxua zutela adierazi zuten, eta horren ondorioz, komedian lan egiten duten emakume askok bere ahotsa aldarrikatu zuten. Espainian gehien entzuten diren podcastak emakumeek egindako umorezko saioak dira. Deforme Semanal-eko Isa Calderon eta Lucia Lijtmaerrek ez zuten horren inguruan hitz egin, eta ez da harritzekoa, haien lanarekin erantzuten dutelako astero. Zuzenean egingo dituzten saioen ia sarrera guztiak salduta dituzte, eta bi astero haien podcasta argitaratzen denean entzunena izaten da.

Emakumeen arrakasta komedia arloan nabarmena da gaur egun, baina egoera honetara iristeko, emakume askok bidea egin behar izan dute lehenago. Gogoan dut El club de la comedia saioaren hasieran emakume oso gutxi zeudela. Nerabea nintzen, eta feminismoaren inguruan gutxi banekien ere, argi nuen Leo Harlem bezalako komedianteek egindako txisteek ez zidatela barrea eragiten. Aldiz, Eva Hache eszenalekuan agertzen zenean bere bakarrizketa entzuteko irrikitan egoten nintzen.

Emakumeek komedia egiteko zailtasunez hitz egiten du Hacks (HBO Max) telesailak. Bertan gidoigintzan bere lekua egin nahi duen Ava Daniels gaztea ikusiko dugu. Txio batzuen ondorioz Avaren etorkizuna kolokan geratuko da. Egoera horrengatik Los Angeles utzi beharko du, eta lan berri bat izango du Las Vegasen. Bertan, Debora Vance komediante ezagunaren laguntzailea izango da. Komediaren bi generazio desberdinen talka ikusiko dugu haien artean. Haien erlazioa nahiko zaila izango da hasieran, baina pixkanaka elkarguneak aurkituko dituzte.

Egungo komediagileak feminismoan murgilduak daude, eta gidoiak idazterakoan oso presente dute. Aldiz, Debora Vance bezalako emakumeek feminismoa eszenatokiaren gainean sortu dute, teoria jakin gabe. Komedia gizonen mundu itxia zenean hasi ziren emakume horiek, eta gizonen begirada txarrak eta entzun nahi ez zituzten hitzak jasan ostean, eszenatokian beren lekua lortu zuten. Hacks telesailak aitzindari izan ziren emakumeei egiten die omenaldi, eta emakumeen ahotsen aldarrikapena da. Barreak generorik ez duela argi uzten du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.