Albistea entzun

JIRA

Eskuin muturluzea

Angel Erro -

2022ko abenduak 9

Eskuin-muturra arrisku bihurtzen ari da Europan? Galdera ez dut nik egiten. Dutxara sartu aurretik, piztuta dudan telebistan entzun diot Alemaniako estatu-kolpearen saioari buruzko erreportaje baten esatariari, La Sextan. Hori da Euskal Telebistan galdetuko balute bezala ea telesail edo film gutxiegi ematen duten euskaraz.

Erantzuna ez dut aditu, dagoeneko biluzik komunera sartu bainaiz. Berdin izan zait, erantzuna jakin badakidalako. M-I5 britaniarrak orain pare bat urte abisatu zuen indarkerian aritzeko mehatxu nagusia eskuin muturreko taldeetatik zetorrela. Ez da halaxe iragarri duen munduko inteligentzia zerbitzu bakarra. Telebistetan, berriz, ematen du ez direla jabetu, edo ez jabetzearena egin dute. Dutxan nagoenez ez dakit, izan ere, notizia iruzkintzeko Eduardo Inda duten gonbidatuen artean. Ez zen harritzekoa izanen, aski ohikoa baizik, kate horretan.

Beste euskal herritar batek, Iker Jimenezek, III. Reichen aditu eta Historian doktore moduan aurkeztu du igande honetan bere telebistako saio ustez ufologikora eraman duen CEDADE talde nazizaleko kide zahar bat.

Alemaniakoak beldurra ematen du, bai, baina hemendik gertuago geure begien aurrean gertatzen ari dena ez da inor lasai uzteko modukoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.