Albistea entzun

JIRA

Naturala

Angel Erro -

2018ko uztailak 11

Dutxan, bat-bateko agerkundea izan dut, garai ez hain urrun batean bertan izaten nituenez oso bestelakoa, errebelazio hutsala baina hainbat gauza ulertzeko balio didana. Txorrotapean ohartu naiz inguruko xanpu, gel eta xaboi guztiek fruitu, landare edo lore bat dutela potean marrazturik. Begi gorrituak baditut ere, ikusi dut komun osoan ez dagoela salbuespenik. Zalantza piztu zait saltokian oharkabean hobesten ditudan nik edo (ia) ez dagoen beste aukerarik. Bigarren hipotesitik abiatuta, ondorioztatu dut garbigarri pertsonalek asko esan dezaketela gure gizarteaz.

Txikitakoak lurrinduak izaten ziren gurean, trinkoak eta sofistikatuak. Perfumearen jarraipena zen xaboia. Orain, elikadura osasuntsuarena. Honaino iritsi aurretik, xaboi neutroen alditxo bat ere igaro dugu. Orain duela mende bat dohain erradioaktiboak estimatuko genituzke.

Argi dago naturala (natural itxuran fabrikatutakoa) nahiago dugun garai batean bizi garela. Bizitzaren beste alor guztietan ere. Elikadura aipatu dut, baina zergatik ez, adibidez, hizkuntza ere? Agian hortik datoz (nork bere hautu edo gustu sakona dela uste badu ere) plastikozko euskararen aurkako purrustada guztiz natural eta sanoak. Edo txertoen aurkakoen gorakada.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.