JIRA

Nahasia

Angel Erro -

2019ko urriak 1
Dimako herritik dator notizia, nik behintzat ETBko albistegian hala entzun dut: bertsolaritza eta heavy metala uztargarriak direla eta hala erakutsi dutela Dimetal festibalean. Ez dut uste inor harrituko zuenik, nahiz eta lehenago inoiz egin ez, gauza jakina baita bertsolaritza, tonika bezala, edozerekin nahas daitekeela.

Buruan erabili dut zer diziplinekin uztartu dugun geure kirol nazionala, halako zerrenda bat osatuta, hala nola bertsolaritza eta heavy metala. (Bat, bi, hiru, erantzun berriro): Bertsolaritza eta heavy metala, egina. Bertsolaritza eta flamenkoa, egina. Bertsolaritza eta Whatsappeko birala, egina. Bertsoa eta telepatia, egina. Bertsolaritza eta Urtezaharreko kanpaiak aurkeztea, egina. Bertsolaritza eta telekinesia, egin gabe. Bertsolaritza eta hip-hopa, egina. Bertsolaritza eta antzerkia, egina. Bertsolaritza eta zarzuela, nogaku edo mimogintza, egin gabe. Bertsolaritza eta mitinak, egina. Kongresuko tribunatik bertsotan aritzea, egina. Bertsolaritza eta gastronomia, egina. Bertsolaritza eta gay pornoa, egin gabe. Bertsolaritza eta Nintendoko Wii bideo-kontsola, uztartuta. Bertsolaritza eta dantza garaikidea, egina. Bertsolaritza eta ziklismoa, egina. Botilero aritzea bertsotan, egina.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna