Albistea entzun

JIRA

'Europe is living'

Angel Erro -

2022ko maiatzak 14

Paso egitea nuke, baina lagunekin biltzeko aukerak ez dira hain ugariak, eta ez da zuhurra alferrik galtzea, deialdiaren motiboa Eurovision kanta festibala bezain hutsal eta arina izanda ere. Horregatik, gaur telebistaren aurrean irri eta orro eginen dugu, azkenean irabazlea nor suertatzen den jakin arte. Berez, ez da hain hutsal edo arina ere. Europaren batasun politikoaren hanketako bat baizik. Ez alferrik abesti lehiaketa hau, 1956. urtean abiatu zena, Erromako Itunaren edo Europako Parlamentuaren garaikidetsua da, nolabait apalduta zegoen europar izpiritua abestien bidez sendotzen laguntzeko.

Horregatik, ustezko neutraltasuna gorabehera (aldarri politikoak debekatuak daude), Ukrainak bilduko dituen babes esplizitu edo inplizituak jaialdiaren politizaziotzat salatzea, fan askok eta ausazko teleikusle askok egin lezaketen moduan, alferrikakoa da. Ikusi nahi ala ez, Eurovisionen sena horixe da. Porlan melodikoa eta emozionala ematea Europako erakunde hotz eta monokordeei. Demokraziazko pintura eskualdi bat ematea Israel bezalako estatuei (berez, Europan egon ez arren).

Horrelakoak jakiteak ez du kentzen une batez ezjakinarena egin eta gaurko saioa ikustea, euroeszeptizismoari beste ñabardura bat emanez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...