Albistea entzun

Tentsio handiko guneetan esku hartzea eskatu du legebiltzarrak

Gune horietan «alokairu eskuragarriak» bermatzea babestu dute EAJk, PSE-EEk eta EP-IUk. Oposizioak bat egin du sindikatuek Osakidetzaren lan eskaintzari egindako kritikekin
Etxebizitza bat alokairuan, Donostian.
Etxebizitza bat alokairuan, Donostian. JON URBE / FOKU Tamaina handiagoan ikusi

Edurne Begiristain -

2021eko azaroak 19 - Gasteiz

Alokairu pribatuen prezioa arautzeari begira, urratsak egiten hasteko eskatu die Eusko Legebiltzarrak Eusko Jaurlaritzari eta Arabako, Bizkaiko eta Gipuzkoako diputazioei. Zehazki, galdegin die «beharrezkoak diren lan tekniko guztiak» egin ditzatela etxebizitza bakoitzeko diru sarrerei eta aitortutako alokairuei buruzko informazioa trukatzeko, eta, era horretan, tentsio handiko eremuetan esku hartu eta alokairuen prezioak «eskuragarri» izan daitezen bermatu dezatela, horiek izoztuta edo jaitsita. Horrez gain, legebiltzarrak Jaurlaritzari eskatu dio «politika integralak» abian jar ditzala gazte guztiek «baldintza duinetan emantzipatzea» lor dezaten.

EH Bilduk eta Elkarrekin Podemos-IUk etxebizitzari buruzko mozio bana eraman zuten atzo osoko bilkurara, eta, azkenean, EAJk, PSE-EEk eta Elkarrekin Podemos-IUk adostutako testu batek egin zuen aurrera. EH Bildu abstenitu egin zen, eta aurka bozkatu zuten PPk eta Voxek. Eztabaidan, hizpide izan zuten PSOEk eta Unidas Podemosek Espainian hitzartutako etxebizitza legea. Printzipioz, legeak ez du zuzeneko eraginik izango Araban, Bizkaian eta Gipuzkoan, etxebizitza politiken gaineko eskumenak dituelako Jaurlaritzak, baina atzoko eztabaidan Elkarrekin Podemos-IUk eta PSE-EEk azpimarratu zuten legeari esker Jaurlaritzak «tresna berriak» izango dituela alokairuen merkatua erregulatzeko.

Iñigo Martinez Elkarrekin Podemos-IUko legebiltzarkidearen iritziz, lege berriak eskumen gehiago emango dizkio Eusko Jaurlaritzari etxebizitza alorrean, eta modua emango dio tentsioan diren merkatuak deklaratzeko.

EH Bilduko Eraitz Saez de Egilazen ustez, ordea, beharrezkoa da Eusko Jaurlaritzak alokairuen prezioak mugatzeko lege mekanismo propioak berehala ezartzea, Madrilen onartuko den legearen esperoan egon gabe. Ideia bera defendatu zuen EAJko Irune Berasaluzek ere; haren ustez, beharrezkoa da «lege propio bat» izatea alokairuen prezioak mugatzeko.

Lan eskaintza hizpide

Gainera, sindikatuek Osakidetzaren lan eskaintza publiko berriari egindako kritikei batu zitzaizkien EH Bildu, Elkarrekin Podemos-IU eta PP. Hiru taldeok salatu zuten Eusko Jaurlaritzako Osasun Sailak ez duela bilatu sindikatuen babesik lan eskaintza egiteko irizpideen inguruan, eta uko egin diola irregulartasunak eragozteko neurriak hartzeari. EAJk eta PSE-EEk, berriz, Osakidetzari eskatu zioten lan eskaintza «berdintasunez eta gardentasunez» egitea berma dezan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».
 ©JON URBE / @FOKU

Altsasu: tsunamiari aurre egin dion horma

Joxerra Senar

Asteon, Europako Giza Eskubideen Auzitegiak ez du tramiterako onartu Altsasuko zortzi gazteen defentsaren eskaera, eta auzia itxitzat jo du. Amaia Izko abokatuak azaldu du «zail» egin zaiela Estrasburgon bost urteotako bidegabekeria ikusaraztea.

Amarik gabeko urtebetetze eguna

Amarik gabeko urtebetetze eguna

Maddi Ane Txoperena Iribarren

Maria Lizarraga eta Iñigo Gutierrez euskal presoen alaba Izadik bihar beteko ditu 3 urte. Kartzelatik atera beharko du orduan, Espainiako espetxe legediak hala aginduta, eta amarengandik bereizi. Gutierrez atzo atera zen espetxetik, hirugarren graduan.

 ©SORTU

Arkaitz Rodriguezen zuzendaritza taldeak Sortuko militanteen %89ren babesa jaso du

Uxue Rey Gorraiz

Hirugarren Kongresuko itxiera ekitaldia egin du Sortuk Bilboko Bizkaia pilotalekuan. Zehaztu dituzte Nazio Kontseiluaren kideak: David Pla norabidetze estrategikorako gunearen arduraduna izanen da aurrerantzean, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.