Desagertuen sinboloa

Angelica Mendoza Peruko desagertuen aldeko borrokan erreferente izan da, eta, hain zuzen, Desagertuen Nazioarteko Egunean hil da. 89 urte zituen. 1980ko eta 2000ko hamarkadetan, 13.000 lagun desagertu ziren Perun, barne gatazken ondorioz. Mendozaren semea biktima horietako bat zen. Justizia eske, kalera atera zen Mendoza, gurutze batean ez hil leloa jarrita. ANFASEP Desagertuen, Atxilotuen eta Bahituen Senitartekoen Erakunde Nazionala sortu zuen.