Albistea entzun

Jaurlaritzak atea zabalduko dio sexu abusuen biktimen artarako Barnahus ereduari

Artolazabal sailburuak adierazi du proiektu pilotu gisara ezarriko dutela. Islandian abiatutako lan eredu bat da, arta «osoa» emateko pentsatua
Beatriz Artolazabal argibideak ematen, artxiboko irudi batean.
Beatriz Artolazabal argibideak ematen, artxiboko irudi batean. RAUL BOGAJO / FOKU Tamaina handiagoan ikusi

Arantxa Iraola -

2021eko urriak 14

Sexu abusuak pairatu dituzten adingabeek arta «osoa» jasoko dutela bermatze aldera, Eusko Jaurlaritzak Barnahus ereduan oinarritako proiektu pilotu bat abiatuko du. Atzo goizean jakinarazi zuen berria Berdintasun, Justizia eta Gizarte Politiketako sailburu Beatriz Artolazabalek, Haurren eta Nerabeen Artarako Batzorde Iraunkorraren bileran. Islandian jarri zuten lehen aldiz martxan lan egiteko eredu hori, eta Europako hainbat tokitan erabiltzen dute egun, baita Ameriketako Estatu Batuetan ere. Martxan jarrita duten herrialdeen artean dago Katalunia. Jaurlaritzak Save The Children erakundearen bidez ezarriko du.

«Hilabete baten buruan egingo dugu aurrerako urratsa», iragarri zuen atzo sailburuak. Ez zuen jakinarazi, hala ere, eredua non eta nola ezartzen hasiko diren. Azaldu zuenez, azaroaren 12an emango dituzte proiektu pilotuari buruzko xehetasun guztiak, eta, ereduaren gaineko azalpenak emate aldera, Euskal Herrian izango da martxan jarri zuen aditua: Bragi Gudbrandsson. 1998an jarri zituen ereduaren oinarriak, Islandiako Gobernuan Haurren Babeserako Agentziako zuzendaria zenean. Haurren etxea esan nahi du barnahus hitzak, eta, funtsean, haien neurrira eta izateko erara egokitutako egitasmoa da.

Bidea samurtzeko

Kezka iturri handia da sexu abusuak pairatzen dituzten haur eta nerabeen salaketek justizia sisteman jasotzen duten tratua, askotan bide oso neketsua egin behar izaten baitute beren kasua kontatzeko, eta, hain justu, prozesu horiek samurtzea bilatzen du Barnahus ereduak.

Bidea erraztuta, salaketek aurrera egitea ere bada lan egiteko era horren jomuga; Save The Children erakundeak emandako datuen arabera, adibidez, Espainiako justizia administrazioaren pean, sexu abusuen ondorioz jartzen diren hamar salaketetatik zazpi ez dira inoiz iristen epaiketara, aski froga ez daudela argudiatuta. Horren atzean, ordea, haurren izateko eta kontatzeko era aintzat hartzen ez dituen lanerako eredu bat dago maiz. Islandian, adibidez, ikusi dute eredua martxan jarri zutenetik lehengoa halako hiru dela auzipetutako erasotzaileen kopurua.

Biktimek propio haientzat atondutako toki bat izatea da lan egiteko ereduaren helburu nagusia, haien neurrira eta erritmoetara moldatutakoa, modua izan dezaten lekukotasuna emateko eta arta jasotzeko polizia etxeetatik eta ospitaleetatik igaro gabe. «Koordinatuta» jarduten dute, halaber, gizarte zerbitzuek, abokatuek, magistratuek eta osasun profesionalek, biktimaren gaineko begirada komun batekin.

Ikerketa «sakon» bat

Lanerako eredu hori Araba, Bizkai eta Gipuzkoako arta sistemara egokitu ahal izateko, hilabete askotan arloko eragileekin bilera ugari egin dituztela nabarmendu zuen atzo Save The Children elkarteko ordezkari Charo Arranzek. Esan zuen «ikerketa sakona» egin dutela modu horretan, eta hori aintzakotzat hartuta hasiko direla orain erabiltzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

«Pribatizazioa» eta «euskarafobia» ardatz dituzten legeen aurka bideratuko du geroa Steilasek

«Pribatizazioa» eta «euskarafobia» ardatz dituzten legeen aurka bideratuko du geroa Steilasek

Arantxa Iraola

Kongresua egin dute Iruñean, ponentzia «berritzeko»; sindikatuaren Nazio Batzorde Iraunkorreko ordezkariak hautatu dituzte bertan

Bertan behera utzi dituzte «ke toxikoarengatik» Lasarte-Orian emanak zituzten neurriak

Bertan behera utzi dituzte «ke toxikoarengatik» Lasarte-Orian emanak zituzten neurriak

Arantxa Iraola

Osasun agintariek adierazi dute jada ez dela beharrezkoa ateak eta leihoak ixtea eta etxetik atera gabe geratzea

Lekuonari egindako omenaldia. ©Busturialdeko Hitza

Naziek deportatutako Angel Lekuonari omenaldia egin diote Busturian

Gotzon Hermosilla

Hura gogoratzeko plaka bat jarri dute, mota horretako lehena Euskal Herrian

Nafarroako hainbat entitatetako kideak, Iruñean. ©OLAIA L. GARAIALDE

Nafarroako entitateei dei egin diete Euskaraldian parte hartzera

Olaia L. Garaialde

Azaroaren 18tik abenduaren 2ra egingo dute euskararen aldeko ariketaren hirugarren aldia. 2018ko «ilusioa» berreskuratu nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...