Albistea entzun

Kievera Leopard 2 tankeak bidaltzea baimendu du Berlinek, filtrazioen arabera

'Der Spiegel' astekariak eta NTV telebista kateak aurreratu dute albistea b Scholz agerraldia egitekoa da gaur, erabakiaren berri emateko
Alemaniako armadaren Leopard 2 tanke bat, ariketa militarrak egiten, Augustdorfen, Alemanian.
Alemaniako armadaren Leopard 2 tanke bat, ariketa militarrak egiten, Augustdorfen, Alemanian. SASCHA STEINBACH / EFE Tamaina handiagoan ikusi

Mikel O. Iribar - Igor Susaeta -

2023ko urtarrilak 25

Ukrainara Leopard 2 tankeak bidaltzeko baimena eman du Berlinek, Der Spiegel astekariak eta NTV telebista kateak Alemaniako Gobernuaren iturriak aipatuz atzo aurreratu zutenez. Gobernuak ez zuen iragarpen ofizialik egin, baina, hedabide horien arabera, Alemaniako armada arduratuko da Leopard 2 tankeak Ukrainara eramateaz, eta, gainera, Europako zenbait herrialdek, Poloniak eta Finlandiak kasurako, tanke horiek eramateko egindako eskaerak onartuko ditu Olaf Scholz Alemaniako kantzilerra buru duen gobernuak. Hain zuzen, Der Spiegel-ek aurreratutako informazioa gaur baieztatzekoa da Scholz, iragarpen baten bidez, Bild egunkariak atzo jakinarazi zuenez.

Kiev eta NATO Ipar Atlantikoko Itunaren Erakundeko kide gehienak presio diplomatiko handia egiten ari zaizkio Alemaniari, 1970eko hamarkadaren amaieraz geroztik fabrikatzen dituen Leopard 2 tankeak Ukrainara bidal ditzan. Izan ere, Alemania arma horien ekoizlea izaki, lizentzien arabera haren oniritzia behar da horretarako. Bada, Poloniako lehen ministro Mateusz Morawieckik atzo jakinarazi zuen Varsoviak eskaera formala egin ziola Berlini, Leopard 2 tankeak Ukrainara eraman ahal izateko.

Jens Stoltenberg NATOko idazkari nagusia Boris Pistorius Alemaniako Defentsa ministroarekin bildu zen atzo, eta, bileraren ondoren, Stoltenbergek esan zuen oraintxe beharrezkoa dela Ukrainari «ahalik eta azkarren» arma astunak ematea. Horrekin lotuta, The Wall Street Journal egunkariaren arabera, Ameriketako Estatu Batuek erabakia dute Ukrainari Abrams tankeak bidaltzea, nahiz eta Etxe Zuriak oraingoz ez duen esan zehazki zenbat.

Giroa, gaiztotuta

Finlandiako Gobernuaren «lehentasuna» da herrialdea Suediarekin batera bihurtzea NATO Ipar Atlantikoko Itunaren Erakundeko kide, baina Pekka Haavisto Atzerri ministroak aitortu zuen, atzo, prozesua «berrikusiko» dutela, zerbaitek «oztopatzen» baldin badu Suediaren proiektuak aurrera egitea. Alegia, Helsinkik aurrenekoz adierazi du ez duela baztertzen Stockholm gabe sartzea Mendebaldeko aliantza militarrean.

NATOko estatu kideek beto eskubidea dute, eta Recep Tayyip Erdogan Turkiako presidenteak nabarmendu zuen, herenegun, azken egunetako gertaerak aintzat hartuz gero Ankarak ezin diola oniritzirik eman Suediaren eskaerari. Jarrera hori justifikatzeko, Erdoganek gogoratu zuen aurreko larunbatean Koranaren ale bat erre zuela ultraeskuindar suediar batek Turkiak Stockholmen duen enbaxadan —Erdoganen aurkako manifestazio bat ere egin zuten han—. Ankarak, horrenbestez, erabaki bat hartu zuen ordu batzuk geroago: bertan behera uztea Pal Jonson Suediako Defentsa ministroa asteon Turkiara egitekoa zen bisita ofiziala.

Eta, atzo, Helsinkiren mezuaren ondoren, Tobias Billstrom Suediako Atzerri ministroak adierazi zuen bi herrialdeak batera bihurtuko direla aliantza militarreko kide. Gaineratu zuen aztertzen ari direla Erdoganen adierazpenek zer ondorio eduki ditzaketen, baina ziur dagoela topatuko dutela, atzera, Turkiarekin bide diplomatikoa ibiltzeko garaia. «Azken egunetan, zurrunbilotsu dago giroa. Iruditzen zait egokia izan daitekeela egoera baretzen uztea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Peruko Kongresuak ez du onartu hauteskundeak abendura aurreratzea

Peruko Kongresuak ez du onartu hauteskundeak abendura aurreratzea

Ander Perez Zala

Hauteskundeak aurten egitearen alde agertu dira, egunotan, ordezkaritza duten alderdi gehienak, baina 54 parlamentarik egin dute alde, eta 68k kontra
<b>Sudango manifestari talde bat, armadak protesten kontra erabili duen indarkeria salatzeko mobilizazio batean, iazko ekainean, Khartumen.</b> ©ELA YOKES / EFE

Afrika eremu gatazkatsuagoa bihurtu da azken hamarkadan

Gorka Berasategi Otamendi

Kontinenteak zenbait hobekuntza egin ditu sustapen ekonomikorako alor batzuetan eta giza garapenean. Adituek ohartarazi dute azken urteetako lorpenak arriskuan daudela

Krisi politikoa eragin du Italian preso anarkista baten gose grebak

Mikel O. Iribar Arantxa Elizegi Egilegor

Alfredo Cospitok ehun egun baino gehiago daramatza protestan. 30 urteko zigorra du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...