Albistea entzun

Pili Zabalak utzi egingo du politikagintza legealdi amaieran

Elkarrekin Podemoseko lehendakarigai izandakoak adierazi du ez duela «gustuko» politika egiteko gaur egungo modua
Pili Zabala, Eusko Legebiltzarrean, aurtengo otsailean.
Pili Zabala, Eusko Legebiltzarrean, aurtengo otsailean. JUANAN RUIZ / FOKU Tamaina handiagoan ikusi

Jon O. Urain -

2018ko abuztuak 11

Politika instituzionalean bide laburra egingo du Pili Zabalak, Elkarrekin Podemoseko legebiltzarkideak. Eusko Legebiltzarrerako 2016ko bozetara Jaurlaritzarako lehendakarigai gisa aurkeztu zuen Elkarrekin Podemosek Zabala, eta, bi urte geroago, Zabalak berak iragarri du politikaren lehen lerroa utziko duela legealdia amaitzean.

Vocento taldeak argitaratutako elkarrizketa batean, Zabalak azaldu du politikagintzan «sufritu» egiten dela, eta ez duela «gustuko» politika egiteko gaur egungo era: «Ez zait gustatzen nola egiten den politika. Kritikatzea da haren helburua, etsaia nekatzea, pertsonen izen ona zikintzea». Tentuz hartutako erabakia izan da: «Denbora asko daramat hausnartzen. Egoera ikusita, eta gaur egun politika egiten den moduan, ez dut gogorik eremu hori ezagutzen jarraitzeko. Ezagutu dut ezagutu behar nuen guztia». Hala ere, hitzeman du «elkarbizitza demokratikoa hobetzea helburu duen guztian parte hartzen» jarraituko duela.

Legealdia amaitzeko, ordea, beste bi urte falta dira, eta Zabalak hizpide izan du Poliziaren Biktimen Legearen inguruan Espainiako Gobernuak eta Jaurlaritzak lortutako akordioa. Ontzat jo du lege bat edukitzea, baina erantsi du testu berria ez duela gogoko: «Aldaketek bi helburu nagusi dituzte: biktimen ordez borreroak babestea eta ikerketa oro oztopatzea». Haren hitzetan, ez dago «benetako erreparaziorik justiziarik eta egiarik gabe».

Legebiltzarreko Autogobernu Lantaldean adostutako oinarrien inguruan, adierazi du «eroso» dagoela testuarekin, eta beharrezkotzat jo du «itun berri bat», argudiatuta 1979ko estatutuaren eskumen ugari eskualdatzeke daudela oraindik. Hala ere, uste du adostasunak «zabalagoa» izan beharko lukeela —nagusiki, EAJk eta EH Bilduk adostu dituzte estatus berriaren oinarriak—.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ursula von der Leyen Europako Batzordeko lehendakariaren artxiboko irudi bat. ©OLIVIER HOSLET / EFE

Txertoen patenteak kentzearen gainean eztabaidatzea onartu du Europak

Maria Ortega Zubiate

Herrialde ekoizleei dei egingo diete «esportazioa baimendu eta hornikuntza kateak oztopatzen dituzten neurriak deuseztatzeko». Europako Batasuna da «munduko txerto esportatzaile nagusia». AEBek babestu egin dute txertoei patentea kentzea.

N-1 autobia. ©Xabier Martin / FOKU

Bidesarietan «Europako logikari» erantzuten dio Gipuzkoak, Olanoren esanetan

Berria

Espainiako Gobernuak iragarri du 2024rako bidesaria ezarri nahi duela autobia guztietan. Hegoaldean, hiru aldundiek eta Nafarroako Gobernuak dute errepideen gaineko eskumena

Argazkian, pasa den urtean Martin Ugalde foroan aurkeztutako ekitaldi bat. ©JUAN CARLOS RUIZ/FOKU

‘Garen hori: euskal marka, izaera eta balioak’ saioa aurkeztuko da gaur Martin Ugalde foroan

Jone Arruabarrena

Saioa ezin izango da bertatik bertara ikusi, baina BERRIAren webgunean enkontrua zuzenean jarraitzeko aukera izango da. Galderak eta ekarpenak egiteko aukera ere zabalik dago, #GarenHoriforoa traolaren bitartez.

Iñigo Urkullu Eusko Jaurlaritzako lehendakaria, gaur, Eusko Legebiltzarrean. ©David Aguilar / Efe

Jaurlaritzak ez dio helegiterik jarriko EAEko Auzitegi Nagusiaren erabakiari

Berria

Urkulluk esan du soilik auzitegiak onartutako neurri murriztaileak sartuko dituztela alarma egoeraren ondorenerako aterako duten dekretuan. «Bermeak» nahi ditu, eta errekurtsoa jartzeak «ziurgabetasun aldi bat» sortuko lukeela uste du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.